जास्त वेळ बसणे धोकादायक! धूम्रपानाइतकेच नुकसान

ऑफिसमध्ये विना ब्रेक बराच वेळ बसून काम करणे आरोग्यासाठी चांगले नाही. हे आपल्या सर्वांना माहीत आहे. पण त्याचे नुकसान धूम्रपानाइतके होईल हे कदाचित कोणालाच माहीत नाही. डॉक्टरांनी सांगितले की, जर तुम्ही दिवसातून ८ तासांपेक्षा जास्त वेळ बसलात आणि शारीरिक हालचाली करत नसाल, तर त्यातून निर्माण होणारे आरोग्य धोके धूम्रपान आणि लठ्ठपणा सारखेच असतात.

डॉक्टर सुधीर कुमार, न्यूरोलॉजिस्ट, अपोलो हॉस्पिटल्स, हैदराबाद यांनी सोशल मीडिया प्लॅटफॉर्मवर एक्सवर लिहिले आहे की, जर एखादी व्यक्ती ८ तासांपेक्षा जास्त वेळ बसली असेल आणि शारीरिक हालचाल करत नसेल तर त्याचा मृत्यू होण्याचा धोका धूम्रपान आणि लठ्ठपणामुळे होणाऱ्या मृत्यू एवढा आहे. डॉ. कुमार यांनी आपल्या पोस्टमध्ये सांगितले की, बराच वेळ बसून राहिल्याने पुढील आरोग्य समस्या उद्भवू शकतात.

आणखी वाचा- दिवसातून दोनदा भात खाण्याचे तोटे तुम्हाला माहीत आहेत का?, जाणून घ्या

१. मधुमेहाचा धोका वाढतो.

२.उच्च रक्तदाबाची समस्या असू शकते.

३. पोटाभोवती चरबी जमा होते (एब्डॉमिनल लठ्ठपणा).

४.एलडीएल कोलेस्टेरॉल आणि ट्रायग्लिसराइड्सची पातळी वाढते.

५. हृदयविकाराचा झटका आणि पक्षाघाताचा धोका वाढतो.

६.कर्करोग आणि अकाली मृत्यूचा धोका वाढतो.

बराच वेळ बसणे किती हानिकारक आहे?

१.डॉक्टरांच्या मते, जास्त वेळ बसल्याने ग्लुकोज चयापचय आणि लिपिड प्रोफाइलवर नकारात्मक परिणाम होतो.

२. यामुळे इन्सुलिन प्रतिरोधक क्षमता वाढते.

३.शरीरात हानिकारक कोलेस्टेरॉलची पातळी वाढते.

४.बराच वेळ बसल्याने डीप वेन थ्रोम्बोसिस (डीव्हीटी) होण्याचा धोका वाढतो, ज्यामध्ये पायांच्या नसांमध्ये रक्ताच्या गुठळ्या तयार होऊ लागतात. जेव्हा हे गुठळ्या फुफ्फुसात पोहोचतात तेव्हा ही स्थिती घातक ठरू शकते.

आणखी वाचा- हिवाळ्यात गाजर खाण्याचे १० अद्भुत फायदे

काय करावे-

आजच्या काळात बराच वेळ बसून काम करण्याची मजबुरी आहे. ऑफिसचा दबाव असतो. पण जास्त वेळ बसण्याची सवय थांबवण्यासाठी डॉक्टरांनी काही सोपे सल्ले सांगितले आहेत.

१. दर 30-45 मिनिटांनी 5 मिनिटांचा ब्रेक घ्या.

२. उभे राहा किंवा थोडे चालणे.

३. ६० ते ७५ मिनिटे व्यायाम करा.

४. वेगाने चालणे, धावणे किंवा सायकल चालवणे योग्य आहे.

५. बसण्याची वेळ कमी करा.

६.टीव्ही, मोबाईल आणि इतर गॅझेट्सच्या वापरावर नियंत्रण ठेवा.

७. उभे असताना मीटिंग आणि ब्रेक करा.

८. लिफ्टऐवजी पायऱ्यांचा वापर करा.

९.लांब फ्लाइटमध्ये दर तीन तासांनी फिरायला जा

Disclaimer:  या लेखात दिलेली माहिती पूर्णतः सत्य आणि अचूक असल्याचा आम्ही दावा करत नाही. ही माहिती स्वीकारण्यापूर्वी संबंधित क्षेत्रातील तज्ज्ञांचा सल्ला नक्की घ्या