Godrej Family Split : 127 वर्षांनंतर गोदरेजचा व्यवसाय दोन भागात विभागला, जाणून घ्या कोणाला काय मिळाले?

देशातील सर्वात जुन्या व्यावसायिक घराण्यांपैकी एक असलेल्या गोदरेज ग्रुपचा व्यवसाय दोन भागात विभागला गेला. या समूहाचे एकूण मूल्य सुमारे 2.34 लाख कोटी रुपये असून पाच कंपन्या शेअर बाजारात सूचिबद्ध आहेत.

जेव्हा जेव्हा भारताच्या स्वातंत्र्यापूर्वी उद्योगधंद्यांचा उल्लेख येतो तेव्हा त्यात गोदरेज कुटुंबाचे नाव अग्रस्थानी येते. या कुटुंबाचा व्यवसाय रिअल इस्टेटपासून ते ग्राहकोपयोगी उत्पादनांपर्यंत पसरला आहे. मात्र आता या 127 वर्ष जुन्या कुटुंबाची विभागणी झाली असून गोदरेज समूहाचा व्यवसाय आता दोन भागात विभागला गेला आहे.स्टॉक मार्केट लिस्टेड गोदरेज कंपन्या आदि गोदरेज आणि त्याचा भाऊ नादिर गोदरेज यांच्याकडे गेल्या आहेत, तर ग्रुपच्या बिगर लिस्टेड कंपन्या चुलत भाऊ जमशेद आणि त्यांची बहीण स्मिता यांच्याकडे गेल्या आहेत. समूहाची एकूण किंमत सुमारे 2.34 लाख कोटी रुपये आहे.

या लिस्टेड कंपन्यांवर आदि गोदरेजकडे :

गोदरेज फॅमिलीमध्ये या विभाजनाबाबतच्या करारावर स्वाक्षरी केल्यानंतर समूहाच्या व्यवसायाची विभागणी करण्यात येणार असल्याचे जाहीर करण्यात आले आहे. समुहाच्या पाच कंपन्या शेअर बाजारात सूचिबद्ध आहेत आणि यामध्ये गोदरेज इंडस्ट्रीज, गोदरेज कंझ्युमर प्रॉडक्ट्स, गोदरेज प्रॉपर्टीज, गोदरेज ॲग्रोव्हेट आणि ॲस्टेच लाईफ सायन्सेस यांचा समावेश आहे. त्यांची जबाबदारी 82 वर्षीय आदि गोदरेज आणि 73 वर्षीय नादिर गोदरेज यांच्यावर आली आहे.

गोदरेजच्या चुलत भावांना काय मिळाले?

आदि गोदरेज सध्या गोदरेज समूहाचे अध्यक्ष आहेत आणि त्यांचा भाऊ नादिर हे गोदरेज इंडस्ट्रीज आणि गोदरेज ॲग्रोव्हेटचे अध्यक्ष आहेत. याव्यतिरिक्त, त्याचा चुलत भाऊ जमशेद 'गोदरेज अँड बॉयस मॅन्युफॅक्चरिंग कंपनीचे' अध्यक्ष आहेत. तर स्मिता कृष्णा आणि ऋषद गोदरेज या बहिणींचीही गोदरेज अँड बॉइसमध्ये भागीदारी आहे. त्यांच्याकडे विक्रोळी येथील बहुतांश मालमत्तेची मालकी आहे.

विभागणी अंतर्गत, असूचीबद्ध कंपनी गोदरेज अँड बॉयसची मालकी आदि आणि नादिर गोदरेज यांचे चुलत भाऊ जमशेद आणि स्मिता यांना देण्याचे मान्य करण्यात आले आहे. यासोबतच त्यांना मुंबईत गोदरेज ग्रुपची मोठी मालमत्ताही मिळणार आहे. मुंबईतील ही लँड 3400 एकरची असून विक्रोळी परिसरातील जमिनीचा भाव गगनाला भिडला आहे.

1897 पासून देशाच्या उभारणीत कंपनीचे योगदान :

फाळणीनंतर नादिर गोदरेज यांनी सांगितले की, गोदरेजची स्थापना 1897 मध्ये भारतासाठी आर्थिक स्वातंत्र्य निर्माण करण्यासाठी करण्यात आली होती. आम्ही व्यवसायावर लक्ष केंद्रित करून हा वारसा पुढे नेण्यास उत्सुक आहोत. चुलत भाऊ जमशेद गोदरेज सांगतात की गोदरेज अँड बॉयस नेहमीच राष्ट्र उभारणीच्या भक्कम उद्दिष्टाने प्रेरित आहे. आता या कौटुंबिक करारासह, आम्ही त्याच्या वाढीसाठी कार्य करणार आहोत.

कुलुपाची चावी ते चंद्रावरील मोहीम गोदरेजचा रंजक प्रवास :

गोदरेजच्या नावाला कोणत्याही ओळखीची गरज नाही, हे नाव ऐकल्यावर सर्वात प्रथम लक्षात येते ती सुरक्षितता आणि कपाट. असो, लोकांच्या सुरक्षेसाठी कुलूप आणि चाव्या बनवून आणि नंतर इंग्रजांसाठी तिजोरी बनवून या उद्योग समूहाने सुरुवात केली होती. आज या ग्रुपचे नाव चंद्रावर पोहोचले आहे. भारताच्या चांद्रयान मोहिमेत त्यांचा मोठा वाटा आहे.