राष्ट्रीय स्तरावरील लोकप्रिय वाहन ब्रँड महिंद्रा अँड महिंद्रा यांनी २०२४ ऑक्टोबर महिन्यातील विक्रीचे आकडे जाहीर केले आहेत. गेल्या महिन्यात कंपनीच्या एसयूव्हीची एकूण विक्री ५४,५०४ युनिट्स इतकी होती. भारतातील कोणत्याही कार उत्पादकाने आजवर नोंदवलेली ही सर्वात मोठी मासिक एसयूव्ही विक्री आहे. मारुती, ह्युंदाय, टाटा यांसारख्या दिग्गज कंपन्यांनाही असा विक्रम गाठता आलेला नाही. बोलेरो, थार, थार रॉक्स, स्कॉर्पिओ एन, स्कॉर्पिओ क्लासिक, एक्सयूव्ही ३XO, XUV700, XUV400 (इलेक्ट्रिक) या एसयूव्ही महिंद्रा भारतीय बाजारपेठेत विकते. या महिन्यात कंपनी आपली इलेक्ट्रिक वाहन श्रेणी वाढवण्याच्या तयारीत असतानाच महिंद्राला हा विक्रम मिळाला आहे.

Ad1

२०२३ च्या ऑक्टोबरमध्ये कंपनीची एकूण विक्री ४३,७०८ युनिट्स होती, जी वार्षिक आधारावर २५ टक्के वाढ दर्शवते. २०२४ सप्टेंबरमध्ये विक्रमी कामगिरीनंतर २०२४ ऑक्टोबरमध्येही महिंद्राची कामगिरी उत्कृष्ट राहिली. २०२४ ऑक्टोबरमध्ये ५४,५०४ युनिट्सची विक्रमी एसयूव्ही विक्री नोंदवण्याचा आम्हाला आनंद आहे, जी वार्षिक आधारावर २५ टक्के वाढ दर्शवते, असे महिंद्रा ऑटोमोटिव्ह विभागाचे अध्यक्ष विजय नाक्र यांनी सांगितले. महिंद्रा थार रॉक्सने पहिल्या ६० मिनिटांत १.७० लाख बुकिंग मिळवून ऑक्टोबर महिन्याची सुरुवात केली. सणासुदीच्या काळातही एसयूव्ही पोर्टफोलिओमध्ये सकारात्मक गती कायम राहिली.

महिंद्रा या महिन्यात दोन नवीन इलेक्ट्रिक कार लाँच करणार आहे. २६ नोव्हेंबर रोजी कंपनी आपल्या इलेक्ट्रिक पोर्टफोलिओमध्ये दोन नवीन मॉडेल्सचा समावेश करेल. स्पर्धात्मक ईव्ही बाजारपेठेत आपले स्थान मजबूत करण्यासाठी कंपनी प्रयत्नशील असल्याने, हे लाँच कंपनीच्या पहिल्या ग्राउंड-अप इलेक्ट्रिक वाहनाचे आगमन दर्शवेल, असे कंपनीच्या जवळच्या सूत्रांनी सांगितले. महिंद्राच्या नवीन इलेक्ट्रिक मॉडेल्समध्ये एक लक्झरी स्पोर्ट्स युटिलिटी व्हेइकल (एसयूव्ही) आणि दुसरी ऑफ-रोडिंगसाठी डिझाइन केलेली एसयूव्ही असेल. त्या चेन्नईमध्ये लाँच केल्या जातील अशी अपेक्षा आहे.

Ad2

IPL 2024 Photos