2nd July 2025 News Updates: Ketan Agarwal Case - लग्नानंतर राजस्थानला राहण्याचा प्लॅन; सियाकडून पैशांची सोय, चेतनच्या मित्रांची माहिती

Pune Ketan Agarwal Lohagad Case : पुण्यातील केतन अग्रवालची त्याच्याच होणाऱ्या पत्नीने हत्या केली. सिया गोयल आणि तिचा प्रियकर चेतन चौधरी दोघांनी लग्न करुन राजस्थानला राहण्याचा प्लॅन केला होता अशी माहिती समोर आली आहे.

चेंबूरमध्ये स्कूल बसवर झाडं पडल्याची घटना ताजी असताना आणखी एक दुर्घटना घडली आहे. साकीनाका खैरानी रोडवर मोठी दुर्घटना घडली असून तेथील एका मॅनहोलमध्ये व्यक्ती पडल्याची बातमी समोर आली आहे.

येत्या ४ आणि ५ जुलैला अतिमुसळधार पावसाची शक्यता आहे. मुंबई, ठाणे, पालघर आणि रायगडला अलर्ट देण्यात आला आहे. यामुळे नागरिकांनी गरज नसल्यास घराबाहेर पडू नये असे आवाहन गिरीश महाजन यांनी केले आहे. तसेच परिस्थितीनुसार शाळांबाबत जिल्हाधिकारी निर्णय घेतला जाईल. 

मंत्रिमंडळ विस्तारासाठी शिवसेना खासदार श्रीकांत शिंदे यांच्या नावाचा विचार होत आहे. यावर शिवसेनेच्या विधान परिषदेच्या सदस्या डॉ. मनीषा कायंदे यांनी प्रतिक्रिया दिली. मनीषा कायंदे यांनी म्हटले की, ‘आम्ही सर्वजण श्रीकांत शिंदेंना शुभेच्छा देतो. मला वाटते की हा पंतप्रधान नरेंद्र मोदी आणि केंद्रीय गृहमंत्री अमित शाह यांचा विशेषाधिकार आहे. तसेच आमचे नेते एकनाथ शिंदे यावर निर्णय घेतील.’

मुंबईत मुसळधार पावसाला सुरुवात झाली आहे. यामुळे ठिकठिकाणी पाणी साचल्याची स्थिती निर्माण झाली आहे.