नेमबाज मनू भाकर ऑलिम्पिक चाचण्यांमध्ये अव्वल, दोन स्पर्धांमध्ये निवड होण्याची शक्यता

जुलै 2024 मध्ये ऑलिम्पिक स्पर्धा सुरू होणार आहे. यावेळी पॅरिस (फ्रांस)मध्ये ऑलिम्पिक स्पर्धा होणार आहे. त्यासाठी सध्या निवड चाचणी सुरू आहे. भारताची नेमबाज मनू भाकर ही यावेळी ऑलिम्पिकच्या चाचण्यांमध्ये सर्वाधिक यशस्वी ठरली आहे. तिने आठ फेऱ्यांपैकी 4 फेऱ्यांमध्ये यश संपादन केले आहे. हरियाणाच्या या प्रतिभावान नेमबाजाला ऑलिम्पिकमधील दोन स्पर्धांमध्ये आपली प्रतिभा दाखवण्याची संधी मिळू शकते.

10मी आणि 25मी शूटिंगमध्ये संधी
पॅरिस ऑलिम्पिकमध्ये होणाऱ्या नेमबाजी चॅम्पियनशिपमध्ये मनू भाकर ही प्रबळ दावेदार आहे. मनू भाकरने तिच्या चाचणी फेरीत चांगली कामगिरी केली आहे. मनूने 10 मीटर एअर पिस्तुल आणि 25 मीटर रेंज एअर पिस्तुलमध्ये 8 पैकी चार चाचण्यांमध्ये यश मिळविले आहे. दोन्ही स्पर्धांमध्ये घेण्यात आलेल्या चाचण्यांमध्ये मनू अव्वल स्थानावर आहे. अशा स्थितीत पॅरिस ऑलिम्पिकमध्ये ती दोन स्पर्धांमध्ये खेळणार हे जवळपास निश्चित झाले आहे.

ज्यांनी ऑलिम्पिक कोटा गाठला त्यांना बसला धक्का
रायफल आणि पिस्तूल स्पर्धांच्या चाचण्यांमध्ये सर्वात मोठा धक्का ऑलिम्पिक कोटा गाठणाऱ्या नेमबाजांना बसला आहे. 15 नेमबाजांनी 10 मीटर एअर रायफल, पिस्तूल, 50 मीटर 3 पोझिशन्स (पुरुष, महिला), 25 मीटर पिस्तूल महिला आणि 25 मीटर रॅपिड फायर पुरुष अशा एकूण आठ स्पर्धांमध्ये अव्वल दोन स्थान मिळवून ऑलिम्पिकसाठी आपला दावा केला आहे. या 15 पैकी केवळ सात नेमबाजांना देशासाठी ऑलिम्पिक कोटा मिळाला. 10 जून रोजी NRAI ची निवड समिती चाचण्यांमधील कामगिरीच्या आधारे पॅरिस ऑलिम्पिकसाठी संघाची घोषणा करणार आहे. 
आणखी वाचा - 
इराणचे राष्ट्राध्यक्ष इब्राहिम रईसी आणि परराष्ट्र मंत्री यांचे हेलिकॉप्टर अपघातात निधन, पंतप्रधान नरेंद्र मोदींनी तीव्र शोक केला व्यक्त
Iran President helicopter crash : इराणचे राष्ट्राध्यक्ष इब्राहिम रायसी यांच्या हेलिकॉप्टरला अपघात, राष्ट्राध्यक्ष आणि परराष्ट्र मंत्री बेपत्ता