रोहित पवार: युवा शक्तीपुढे सरकारला झुकावं लागलं | NEET | Student Protest | Dharmendra Pradhan

पुण्यात नीट प्रकरणावर आयोजित विद्यार्थी आंदोलनात राष्ट्रवादी काँग्रेस (शरद पवार)चे आमदार रोहित पवार सहभागी झाले. यावेळी त्यांनी देशभरातील विद्यार्थी आणि युवकांनी जात, धर्म, प्रांत यापलीकडे जाऊन एक भारतीय म्हणून आंदोलनाला पाठिंबा दिल्याचे सांगितले. युवा शक्तीमुळे केंद्र सरकारला निर्णय घ्यावा लागल्याचा दावा त्यांनी केला. जंतर-मंतरवरील लाठीचार्जनंतर देशभरातून आंदोलनाला पाठिंबा वाढल्याचेही ते म्हणाले. भविष्यात शेतकरी, कामगार, महिला आणि संविधानाच्या रक्षणासाठीही युवक एकत्र येऊ शकतात, असा विश्वास रोहित पवार यांनी व्यक्त केला.