दक्षिण कोरिया हा जगातील सर्वात आधुनिक आणि स्पर्धात्मक देशांपैकी एक मानला जातो. मात्र, तिथल्या नोकरीच्या क्षेत्रात व्यक्तीच्या कौशल्याइतकंच तिच्या दिसण्यालाही महत्त्व दिलं जातं, अशी चर्चा अनेकदा समोर येते.याबद्दलच सविस्तर जाणून घेऊया.
तुम्हाला माहिती आहे का जगातील असा देश आहे जेथे तुम्हाला तुमच्या कतृत्वापेक्षा वजनामुळे नोकरी दिली जाते. खरंतर, कोणती कंपनी असे करते काय माहिती पण हे खरं आहे. कारण साउथ कोरियामध्ये तुम्हाला तुमच्या वजनामुळे नोकरी एकतर मिळते किंवा नाकारली जाते. तुमचे वजन कंपनीच्या मानकांप्रमाणे नसेल म्हणजेच तुम्ही लठ्ठ किंवा जाड असाल तर नोकरी नाकारली जाते. यामागील नक्की कारण विचित्र आहे. ते ऐकून तुम्ही नक्कीच हैराण व्हाल. याचबद्दल पुढे सविस्तर जाणून घेऊया.
26
सौंदर्यासंदर्भात काही नियम
साउथ कोरियामध्ये रंग-रुप आणि शरिराची रचना यावरुन व्यक्तींमध्ये भेदभाव करणे सामान्य गोष्ट आहे. तर कॉर्पोरेट वर्ल्डमध्ये असे मानले जाते की, जो व्यक्ती आपले शरीर आणि वजन नियंत्रणात ठेवू शकत नाही तो कंपनीचे काम आणि जबाबदाऱ्या कशा सांभाळू शकतो. यामुळे कंपनीत नोकरीवर ठेवण्याआधी लठ्ठ असणाऱ्या व्यक्तीला कामासाठी नाकारले जाते.
36
रिज्यूमेवरील फोटो आणि शरीर रचना पाहतात
भारत आणि अन्य देशातील कंपन्यांमध्ये एखाद्या नोकरीसाठी अर्ज करत असाल तर तुमच्या रिज्यूमेवर स्वत:चा फोटो असणे अनिवार्य नसते. पण उलट साउथ कोरियामध्ये नोकरीसाठी अर्ज करत असाल तर फोटो असणे अनिवार्य आहे. काही कंपन्या कँडिटेची उंची आणि वजनाची देखील माहिती मागून घेते. याशिवाय इंटरव्यूवेळी स्किल्ससह उमेदवार किती हेल्दी आणि आकर्षक दिसतो.
साउथ कोरियाला प्लास्टिक सर्जरीचे कॅपिटल म्हटले जाते. या देशाने सौंदर्याच्या बाबतीत स्वत:ला एका वेगळ्या स्टेजवर नेऊन ठेवले आहे. महिलांसाठी S आकाराचा शरीराचा शेप किंवा सडपातळ तर पुरुषांसाठी V आकाराचा शरीराचा शेप असावा. याशिवाय अधिक वजन असणे म्हणजे आळसपणाचे लक्षण मानले जाते. यामुळे लठ्ठ असणाऱ्या व्यक्तींना मानसिक तणाव आणि सामाजिक बहिष्काराचा सामना करावा लागतो.
56
नोकरीमध्ये भेदभाव
साउथ कोरियामधील नोकरी मिळवण्यासाठी घालण्यात आलेले नियम यामुळे तेथील तरुण तणावाखाली जाण्यासह त्यांच्यावर उपासमारीची वेळ येते. काहीजण तर हरहुन्नरी असून वजन त्यांच्या कामाची अडचण ठरल्यास त्यांना नोकरी मिळत नाही. कंपन्या असे मानतात की, सुंदर दिसणारे कर्मचारी कंपनीची ब्रँड वॅल्यू वाढवतात.
66
कॉर्पोरेटच्या या नियमांवर सरकारचे कठोर पाऊल
या समस्येवर तोडगा काढण्यासाठी दक्षिण कोरियातील सरकारने कठोर पावले उचलली आहेत. सरकारने Fair Hiring Practice Act मध्ये संशोधन करत 30 पेक्षा अधिक कर्मचारी असणाऱ्या कंपन्यांसाठी नोकरीसाठी अर्ज करणाऱ्या उमेदवारांसाठी घालण्यात आलेल्या अटी शिथिल करण्यास सांगितले आहे. पण, इंटरव्यूदरम्यान आज देखील हा भेदभाव साउथ कोरियामध्ये प्रत्यक्ष किंवा अप्रत्यक्षपणे पहायला मिळतो.
