मिठी नदी धोक्याच्या पातळीवर
जोरदार पावसामुळे मिठी नदीची पातळी 3.9 मीटरपर्यंत वाढली आहे. ही परिस्थिती लक्षात घेता, प्रशासनाने तातडीने पावले उचलली आहेत. कुर्ला येथील क्रांतीनगर परिसरातील सुमारे 350 नागरिकांना जवळच्या मगनदास मथुराम मनपा शाळेत स्थलांतरित करण्यात आले आहे. या नागरिकांच्या जेवणाची आणि इतर आवश्यक सुविधांची व्यवस्था मुंबई महानगरपालिकेने केली आहे. उपमुख्यमंत्री एकनाथ शिंदे यांनीही मिठी नदी परिसराची पाहणी केली आहे. मुंबई पोलिसांनी मिठी नदीलगत राहणाऱ्या रहिवाशांना सुरक्षित ठिकाणी जाण्याचे आवाहन केले आहे.