Maharashtra Assembly Elections 2024: भाजपच्या चौथ्या यादीत कोणाला मिळाली संधी?

भाजपने महाराष्ट्र विधानसभा निवडणुकीसाठी आपली चौथी यादी जाहीर केली आहे, ज्यात दोन उमेदवारांचा समावेश आहे. मीरा-भाईंदरमधून नरेंद्र मेहता आणि उमरेडमधून सुधीर पारवे यांना उमेदवारी देण्यात आली आहे.

भारतीय जनता पक्षाने (भाजप) महाराष्ट्र विधानसभा निवडणुकीसाठी आपली चौथी यादी जाहीर केली असून त्यात दोन उमेदवारांच्या नावांचा समावेश आहे. या यादीनुसार भाजपने मीरा-भाईंदरमधून नरेंद्र मेहता यांना, तर उमरेडमधून सुधीर पारवे यांना उमेदवारी दिली आहे.

उमेदवारी अर्ज भरण्याची शेवटची तारीख काय आहे?
विशेष म्हणजे आज २९ ऑक्टोबर ही महाराष्ट्र विधानसभा निवडणुकीसाठी उमेदवारी अर्ज भरण्याची शेवटची तारीख आहे. मात्र, महाविकास आघाडी (MVA) आणि महायुती आघाडीला अद्याप सर्व 288 जागांसाठी उमेदवार जाहीर करता आलेले नाहीत. महाआघाडीत भाजप, शिवसेना (एकनाथ शिंदे गट), अजित पवार यांच्या नेतृत्वाखालील राष्ट्रवादी काँग्रेस आणि इतर लहान पक्षांचा समावेश आहे. त्याचवेळी महाविकास आघाडीत काँग्रेस, उद्धव ठाकरेंची शिवसेना, शरद पवार यांची राष्ट्रवादी काँग्रेस आणि काही छोटे पक्ष सहभागी होत आहेत.

कोणाला मिळाली उमेदवारी? - 
उमरेड आणि मीरा भाईंदर या दोन विधानसभा मतदारसंघातील उमेदवारांना तिकीट जाहीर करण्यात आल आहे. या दोन ठिकाणी सुधीर पारवे आणि नरेंद्र मेहता यांना तिकीट जाहीर झालं आहे. 

महायुतीने आतापर्यंत किती उमेदवार जाहीर केले?

महायुतीने आतापर्यंत २८८ पैकी २८१ जागांसाठी उमेदवार जाहीर केले आहेत. यामध्ये भाजप १४८ जागांवर, शिवसेना ७८ जागांवर, अजित पवारांची राष्ट्रवादी ४९ आणि इतर मित्रपक्ष ६ जागांवर निवडणूक लढवत आहेत. मित्रपक्षांपैकी रामदास आठवले यांचा रिपब्लिकन पार्टी ऑफ इंडिया (आठवले) कलिनामधून, युवा स्वाभिमान पक्ष बडनेरामधून, राष्ट्रीय समाज पक्ष गंगाखेडमधून आणि जन सुराज्य शक्ती पक्ष शाहूवाडीतून निवडणूक लढवत आहे. महायुतीला अद्याप फक्त 7 जागांवर उमेदवार घोषित करायचे आहेत.

महाविकास आघाडीने किती जागांवर उमेदवार जाहीर केले?

महाविकास आघाडीने 288 पैकी 265 जागांसाठी आपले उमेदवार जाहीर केले आहेत. काँग्रेस आणि शिवसेनेने (यूबीटी) अनुक्रमे 102 आणि 84 जागांवर उमेदवार उभे केले आहेत, तर शरद पवार गटाच्या राष्ट्रवादी काँग्रेसने 82 जागांवर उमेदवार जाहीर केले आहेत. MVA ला आता आणखी 21 जागांसाठी उमेदवार जाहीर करायचे आहेत. दरम्यान, शरद पवार गटाने नागपूरच्या काटोल मतदारसंघातून आपला उमेदवार बदलला आहे, जिथे महाराष्ट्राचे माजी गृहमंत्री अनिल देशमुख यांना यापूर्वी तिकीट देण्यात आले होते. आता त्यांच्या जागी त्यांचा मुलगा सलील देशमुख यांना काटोल मतदारसंघातून उमेदवारी देण्यात आली आहे. महाराष्ट्र विधानसभा निवडणुकीत महायुती आणि महाविकास आघाडी यांच्यात निकराची लढत अपेक्षित आहे.