Guru Purnima 2025 : गुरु पौर्णिमेनिमित्त दुमदुमली साईनगरी, पाहा शिर्डीतील साईबाबा मंदिराचे खास फोटोज

Shirdi Sai Baba Temple Guru Purnima 2025 : गुरू पौर्णिमेच्या पर्वावर, 9 ते 11 जुलै दरम्यान मंदिरात तीन दिवसांच्या सत्संग आणि पूजा विधांचा कार्यक्रम आयोजित करण्यात आले आहेत. शिर्डीतील साईबाबांच्या दर्शनासाठी दररोज हजारोंच्या संख्येने भाविक येतात.

गुरु पौर्णिमा 2025

शिर्डीमधील साई बाबांच्या मंदिरात आज (10 जुलै) असणाऱ्या गुरु पौर्णिमेनिमित्त खास सजावट करण्यात आली आहे. साई बाबांच्या मुर्तीसह मंदिराला फुलांची आकर्षक अशी सजावट करण्यात आली आहे. 

आजचे कार्यक्रम

10 जुलै या मुख्य दिवशी सकाळी काकड आरती, गुरूपूजन, आणि दिवसभर साई सच्चरित्र पठन् या कार्यक्रमांचे आयोजन करण्यात आले आहे. 

अखंड पारायणाची समाप्ती

उत्सवाच्या मुख्य दिवशी श्री साईसच्चरित या पवित्र ग्रंथाच्या अखंड पारायणाची समाप्ती झाली. अखंड पारायण समाप्ती मिरवणूकीत संस्‍थानचे तदर्थ समितीच्‍या अध्‍यक्षा तथा प्रमुख जिल्‍हा व सत्र न्‍यायाधीश अंजु शेंडे (सोनटक्‍के) यांनी पोथी, मुख्‍य कार्यकारी अधिकारी गोरक्ष गाडीलकर यांनी वीणा तर उप मुख्‍य कार्यकारी अधिकारी भिमराज दराडे व मेकॅनिकल विभाग प्रमुख अतुल वाघ यांनी प्रतिमा घेवून सहभाग घेतला यावेळी प्रशासकिय अधिकारी संदीपकुमार भोसले, मंदिर विभाग प्रमुख विष्‍णु थोरात, प्र.जनसंपर्क अधिकारी दिपक लोखंडे, मंदिर पुजारी, शिर्डी ग्रामस्थ व साईभक्त मोठ्या संख्येने उपस्थित होते.

फुलांची सजावट

गुरु पौर्णिमा उत्सवानिमित्त अमेरीका येथील दानशूर साईभक्त श्रीमती सुभा पै यांच्‍या देणगीतुन मंदिर व परिसरात फुलांची आकर्षक सजावट करण्‍यात आली आहे. याशिवाय श्री साईबाबा मंदिरात गुरु पौर्णिमेच्या महोत्सवात भक्तांसाठी भक्तिमय वातावरण निर्माण करण्यात आले आहे.

साईभक्तांची गर्दी

गुरु पौर्णिमेनिमित्त शिर्डीतील साईनगर भक्तांनी मोठी गर्दी केल्याचे दिसून येत आहे. अनेक भाविक सातत्याने साईंच्या दर्शनासाठी अधूनमधून येत असतात. पण आजच्या गुरु पौर्णिमेला खास मानत भाविक मोठी गर्दी करतात. यावेळी मंदिर प्रशासनाकडून VIP दर्शन स्लॉट्सही निश्चित केले आहेत ज्यात दररोज सकाळी, दुपारी व संध्याकाळी विशेष व्यवस्था करण्यात आली आहे .