Published : Apr 03, 2024, 10:32 AM ISTUpdated : Apr 03, 2024, 10:35 AM IST
वर्ष 2024 मधील पहिले पूर्ण सूर्यग्रहण एप्रिल महिन्यात असणार आहे. वैज्ञानिक याला एक मोठी खगोलीय घटना असल्याचे मानतात. कारण पूर्ण सूर्यग्रहण अनेक वर्षांनी एकदा दिसते.
वैज्ञानिकांनुसार, वर्षातून एकदा किंवा दोन वेळेस सूर्यग्रहण असते. पण पूर्ण सूर्यग्रहण काही वर्षांनी एकदाच असते. यंदा पूर्ण सूर्यग्रहण एप्रिल 2024 मध्ये असणार आहे. खास गोष्ट अशी की, हे वर्षातील पहिलेच सूर्यग्रहण असणार आहे. यामुळे वैज्ञानिकांमध्ये फार उत्सुकता आहे. जाणून घेऊया सूर्यग्रहणासंबंधित काही खास गोष्टी....
25
पूर्ण सूर्यग्रहण कधी आणि वेळ
वर्ष 2024 मधील पहिले पूर्ण सूर्यग्रहण 8 एप्रिल, सोमवारी असणार आहे. भारतातील वेळेनुसार, पूर्ण सूर्यग्रहण रात्री 10 वाजून 08 मिनिटांनी सुरू होणार आहे. जे मध्यरात्री 01 वाजून 25 मिनिटांनी संपणार आहे. या पूर्ण सूर्यग्रहणाचा कालावधी 3 तास 17 मिनिटे असणार आहे. वैज्ञानिकांनुसार, गेल्या 50 वर्षात ऐवढे मोठे सूर्यग्रहण झालेले नाही.
35
कोणत्या देशात दिसणार सूर्यग्रहण
जगभरातील वेगवेगळ्या देशात सूर्यग्रहण दिसणार आहे. मात्र सूर्यग्रहण दिसण्याची वेळ वेगवेगळी असणार आहे. एखाद्या देशात तासभरासाठीच सूर्यग्रहण असेल तर दुसऱ्या देशात दोन तासांसाठी असू शकते. काही देशांमध्ये पूर्ण सूर्यग्रहण काही मिनिटांसाठीही असू शकते. मुख्यत्वे पूर्ण सूर्यग्रहण कॅनडा, अमेरिका, मॅक्सिको, जमाइका, नॉर्वे, पनामा यासारख्या देशात दिसणार आहे.
45
भारतात पूर्ण सूर्यग्रहण दिसणार का?
वैज्ञानिकांनुसार, सूर्यग्रहणाची जी वेळ आहे त्यावेळी भारतात रात्र असणार आहे. यामुळेच भारतात पूर्ण सूर्यग्रहण दिसणार नाही. याशिवाय सूतककाळ देखील भारतात नसणार आहे. पण नागरिकांना नासाच्या (NASA) युट्यूब चॅनलवरून पूर्ण सूर्यग्रहणाचे लाइव्ह पाहता येणार आहे. (Purna Surya Grahan Kadhi Asnr)
55
पूर्ण सूर्यग्रहणाचे महत्त्व
वैज्ञानिकांनुसार, वर्षातून एकदा किंवा दोनवेळेस सूर्यग्रहण असते. खरंतर ही खगोलीय घटना आहे. पण पूर्ण सूर्यग्रहण काही वर्षांतून एकदा असते. पूर्ण सूर्यग्रहणावेळी चंद्र पृथ्वीच्या फार जवळ येतो. यामुळे चंद्राचा आकार मोठा दिसतो आणि सूर्य पूर्णपणे झाकला जातो. याआधी पूर्ण सूर्यग्रहण 2017 दिसले होते. वैज्ञानिकांनुसार, यंदाचे सूर्यग्रहण 50 वर्षातील सर्वाधिक मोठे सूर्यग्रहण असणार आहे.
