Sandeshkhali : संदेशखळी येथील पीडित महिलांची पंतप्रधान मोदींनी घेतली भेट, भेटीनंतर महिला झाल्या भावुक

पंतप्रधान नरेंद्र मोदी यांनी त्यांच्या बंगाल दौऱ्यात संदेशखळी येथील 5 पीडित महिलांची भेट घेतली. त्यांनी त्यांची कहाणी मांडली आणि पंतप्रधान नरेंद्र मोदींनी वडिलांप्रमाणे संयमाने त्यांचे म्हणणे ऐकले. पंतप्रधानांना त्यांच्या वेदना समजल्यानं पीडित महिला खूप भावूक झाल्या होत्या, भाजपशी संबंधित सूत्रांनी ही माहिती दिली. पंतप्रधान मोदी त्यांच्या बंगाल दौऱ्यात बारासात येथे एका सभेला संबोधित करण्यासाठी आले होते. हा परिसर संदेशखळीजवळ येतो. हे तेच ठिकाण आहे जिथे महिला टीएमसी नेता शाहजहान यांच्या लैंगिक छळ आणि जमीन हडपण्याच्या विरोधात आंदोलन करत होत्या.
पंतप्रधान नरेंद्र मोदी यांनी संदेशखळीतील पीडित महिलांची भेट घेतल्याची माहिती समोर आली आहे. यावेळेस पीडितांनी आपल्या व्यथा पंतप्रधान मोदींसमोर मांडल्या व PM मोदींनीही वडिलांप्रमाणे त्यांचे म्हणणे ऐकून घेतले. या भेटीदरम्यान पीडित महिला खूप भावूक झाल्या होत्या.#PMNarendraModi… pic.twitter.com/wFOARaSAUA

पंतप्रधान नरेंद्र मोदी यांनी बुधवारी भारतातील पहिल्या पाण्याखालील मेट्रो सेवेचे उद्घाटन केले. यानंतर पंतप्रधान मोदी पश्चिम बंगालमधील बारासात येथे नारी शक्ती वंदन अभिनंदन कार्यक्रमात सहभागी झाले. यावेळी त्यांनी कार्यक्रमाला संबोधित करत टीएमसी सरकारवर जोरदार हल्ला चढवला. बारासातमध्ये महिलांच्या रॅलीदरम्यान पीएम मोदी म्हणाले, "टीएमसीच्या राजवटीत पश्चिम बंगालमध्ये महिलांवर अत्याचार होत आहेत. संदेशखळीमध्ये जे काही घडले ते शरमेची बाब आहे. टीएमसी सरकार यासाठी जबाबदार असलेल्या व्यक्तीला वाचवण्याचा प्रयत्न करत आहे. "तथापि, त्यांना उत्तर मिळाले आहे." बंगालला उच्च न्यायालयाबरोबरच सर्वोच्च न्यायालयाकडूनही दणका बसला आहे.
आणखी वाचा - 
मुंबईला पहिली पॉड टॅक्सी सेवा मिळणार, MMRDA ने ₹1,016.38 कोटी किमतीच्या ARTS प्रकल्पाला दिली मान्यता
पंतप्रधान नरेंद्र मोदी यांच्या हस्ते पुण्यातील मेट्रो प्रकल्पांचा शुभारंभ, रुबी हॉल ते रामवाडी मेट्रोला दाखवला झेंडा
EV Vehicle : इलेक्ट्रिक कार या पेट्रोल आणि डिझेल गाड्यांपेक्षा जास्त प्रदूषण करतात? अभ्यासात करण्यात आला दावा