Loksabha Election 2024: विरोधी पक्षांमध्ये झाली बोलणी, उद्धव ठाकरे 21 उमेदवार करणार उभे, काँग्रेस-राष्ट्रवादीला किती जागा मिळणार?

Loksabha Election 2024 : 2024 च्या लोकसभा निवडणुकीसाठी महाराष्ट्रातील विरोधी पक्षांमध्ये जागावाटपाचा करार झाला आहे. काँग्रेस, शिवसेना (उद्धव ठाकरे) आणि राष्ट्रवादी (शरद पवार गट) यांच्यात जागांबाबत चर्चा झाली आहे. सूत्रांकडून मिळालेल्या माहितीनुसार, उद्धव ठाकरे यांच्या नेतृत्वाखालील शिवसेना 21 जागांवर उमेदवार उभे करणार आहे. त्याचबरोबर काँग्रेसला 15 जागांवर तर शरद पवारांच्या राष्ट्रवादीला 9 जागांवर उमेदवार उभे करण्याची संधी मिळणार आहे. महाराष्ट्रात लोकसभेच्या जागांची संख्या 48 आहे.

महाराष्ट्रात विरोधी पक्षांची आघाडी असलेल्या MVA (महा विकास आघाडी) यांच्यात बराच काळ चर्चा सुरू होती. सूत्रांनी दिलेल्या माहितीनुसार, आघाडीतील सर्व पक्षांमध्ये जागावाटपाबाबत सहमती झाली आहे. शिवसेनेला (उद्धव ठाकरे) 21 जागांवर उमेदवार उभे करण्याची संधी मिळू शकते. त्याचवेळी काँग्रेसला 15 जागा मिळण्याची शक्यता आहे. त्याचप्रमाणे शरद पवार यांच्या नेतृत्वाखालील राष्ट्रवादी काँग्रेसला 9 जागांवर उमेदवार उभे करण्याची संधी मिळू शकते.

प्रकाश आंबेडकर यांच्या व्हीबीएला दोन जागा मिळण्याची शक्यता
प्रकाश आंबेडकर यांच्या नेतृत्वाखालील VBA (वंचित बहुजन आघाडी) ला दोन जागा आणि राजू शेट्टींच्या स्वाभिमानी पक्षाला एक जागा मिळू शकते. जागावाटपाच्या कराराची अधिकृत घोषणा विरोधी आघाडीचे वरिष्ठ नेते लवकरच करतील.

2019 च्या निवडणुकीत शिवसेनेला 18 जागा
महाराष्ट्रात अलीकडच्या काळात दोन पक्षांमध्ये फूट पडली आहे. शिवसेनेचे दोन तुकडे झाले आहेत. एका गटाचे नेतृत्व उद्धव ठाकरे तर दुसऱ्या गटाचे नेतृत्व मुख्यमंत्री एकनाथ शिंदे करत आहेत. तसेच राष्ट्रवादीतही फूट पडली आहे. एका गटाचे नेतृत्व शरद पवार करत आहेत तर दुसऱ्या गटाचे नेतृत्व अजित पवार करत आहेत.
आणखी वाचा -
Rameshwaram Cafe : बंगळुरूमधील प्रसिद्ध रामेश्वरम कॅफेमध्ये स्फोट, 5 जण जखमी
देशाच्या गृहमंत्र्यांनी CAA संदर्भात दिले संकेत, कारच्या नंबर प्लेटमुळे अमित शाहांबद्दल चर्चा (See Viral Photos)
Lok Sabha Polls : पंतप्रधान नरेंद्र मोदी यांच्या नेतृत्वाखाली लोकसभा निवडणुसंदर्भात महत्त्वाची बैठक, 100 उमेदवारांच्या नावावर शिक्कामोर्तब