FDA Maharashtra | संभाजीनगरात 4765 किलो खवा सदृश्य पदार्थ जप्त

अन्न सुरक्षा आयुक्त तुकाराम मुंडे यांच्या मार्गदर्शनाखाली सुरू असलेल्या ‘सेफ फूड, सेफ महाराष्ट्र’ अभियानांतर्गत FDA ने छत्रपती संभाजीनगर शहरात कारवाई केली. गोपनीय माहितीच्या आधारे गुजरातहून तीन ट्रॅव्हल्स बसमधून आलेली सुमारे 4,765 किलो खवा बेस्ड मिठाई जप्त करण्यात आली. जप्त मालाची किंमत सुमारे 7 लाख 60 हजार रुपये असल्याची माहिती FDA चे सहआयुक्त श्रीकांत करकळे यांनी दिली. या खवा बेस्ड स्वीटमध्ये पाम ऑइल, वनस्पती आणि साखर मिसळलेली असल्याचे त्यांनी सांगितले. हा माल मिठाई उत्पादक आणि रिटेल दुकानांकडून मिठाई बनवण्यासाठी वापरला जात असल्याचेही त्यांनी म्हटले. संबंधितांना नोटीस बजावण्यात येणार असून सणासुदीच्या काळात गोपनीय माहितीच्या आधारे मिठाई दुकानांवरही कारवाई सुरू राहणार असल्याचे करकळे यांनी सांगितले.