काही मुली विश्वासू, चांगलं बोलणाऱ्या आणि काळजी घेणाऱ्या मुलांपेक्षा 'बॅड बॉईज'ना जास्त पसंत करतात. मुलींना असा थरार, धोका आणि आकर्षण का हवं असतं? अशा मुलींबद्दल मानसशास्त्र काय सांगतं, हे जाणून घेऊया.
काही मुलींना 'बॅड बॉईज' का आवडतात, हा प्रश्न अनेकांना पडतो. नियम न पाळणाऱ्या, राकट आणि थोडे धोकादायक वाटणाऱ्या मुलांकडे काही मुली आकर्षित होतात. हे आकर्षण का निर्माण होतं आणि मानसशास्त्रीय विश्लेषण काय सांगतं, ते सविस्तरपणे जाणून घेऊया.
27
अशा व्यक्तींकडे आकर्षण
मानसशास्त्रानुसार, काही मुलं प्रचंड आत्मविश्वासाने वागतात, मनाला वाटेल तसं वागतात आणि इतरांच्या मतांची पर्वा करत नाहीत. ही वैशिष्ट्ये काही मुलींना मजबूत व्यक्तिमत्व वाटतात. माणसाचा मेंदू नैसर्गिकरित्या शक्तिशाली आणि वर्चस्व गाजवणाऱ्या व्यक्तींकडे आकर्षित होतो. त्यामुळे काही मुलींना 'बॅड बॉईज' खूप स्ट्राँग वाटतात.
37
भावनिक रोमांच (Emotional Excitement)
आणखी एक महत्त्वाचं कारण म्हणजे भावनिक रोमांच. 'बॅड बॉईज'सोबत राहणं हा एक अनपेक्षित अनुभव असतो. त्यांच्या वागण्यात अनिश्चितता, धोका आणि थरार असतो. मानसशास्त्रज्ञांच्या मते, आपल्या मेंदूला कंटाळवाण्या गोष्टी आवडत नाहीत. त्यामुळे काही मुलींना स्थिर आणि शांत व्यक्तींपेक्षा 'बॅड बॉईज' अधिक आकर्षक वाटतात.
लहानपणीचे अनुभवही या आकर्षणाचं कारण असू शकतात. एखाद्या मुलीला बालपणी भावनिक दुर्लक्ष किंवा वडिलांसोबत असुरक्षित नातं मिळालं असेल, तर तिला अनपेक्षित वागणारे लोक आवडू शकतात. अशा मुली भावनिक चढ-उतार असलेल्या नात्यालाच प्रेम समजण्याची शक्यता असते.
57
त्यांना बदलण्याचा विश्वास
मानसशास्त्रज्ञांच्या मते, काही मुलींना विश्वास असतो की त्या 'बॅड बॉय'मधील दोष सुधारू शकतात. हे त्यांना एक भावनिक आव्हान वाटते. तो आपल्यासाठी बदलेल हा विश्वास त्यांना खास असल्याची भावना देतो. पण अनेकदा याचा शेवट निराशेनेच होतो, असा इशारा तज्ज्ञ देतात.
67
या गोष्टींची महत्त्वाची भूमिका
सामाजिक प्रभावदेखील या आकर्षणात महत्त्वाची भूमिका बजावतो. चित्रपट, वेब सिरीज आणि कथांमध्ये 'बॅड बॉईज'ना रोमँटिक दाखवलं जातं. नियम न पाळणारा हिरो प्रेमात मात्र प्रामाणिक असतो, ही भावना अनेकांच्या मनात घर करून बसली आहे. त्यामुळे खऱ्या आयुष्यातही अशा व्यक्तींबद्दल आकर्षण वाढतं.
77
हे आकर्षण कायमस्वरूपी नाही
तज्ज्ञांच्या मते, 'बॅड बॉईज'बद्दलचं आकर्षण कायमस्वरूपी नसतं. जसजसं वय आणि अनुभव वाढतो, तसतसं अनेक मुलींना सुरक्षितता, आदर आणि भावनिक स्थिरता महत्त्वाची वाटू लागते. तेव्हा त्या उत्साहापेक्षा भावनिक सुरक्षिततेला प्राधान्य देतात. हे मानसिक परिपक्वतेचं लक्षण असल्याचं मानसशास्त्र सांगतं.
