Vivo V80 Review: विवोने आपला नवीन V80 स्मार्टफोन 7200mAh च्या दमदार बॅटरी आणि जबरदस्त कॅमेरा सेटअपसह लाँच केला आहे. पण 63 हजार रुपये मोजून हा फोन घेणं खरंच फायद्याचं आहे का? चला जाणून घेऊया याचे सर्व फीचर्स.
7200mAh बॅटरीसह Vivo V80 लाँच, पण किंमत योग्य आहे का?
विवोने आपला नवीन स्मार्टफोन Vivo V80 अधिकृतपणे मार्केटमध्ये लाँच केला आहे. या फोनची सुरुवातीची किंमत जवळपास 63,000 रुपये ठेवली आहे. 7200mAh च्या भल्यामोठ्या बॅटरीसह हा फोन थेट अशा मार्केटमध्ये उतरला आहे, जिथे आधीच अनेक पॉवरफुल फोन्सची तगडी स्पर्धा सुरू आहे. आता एवढी मोठी किंमत मोजून हा फोन घेणं खरंच फायद्याचं ठरेल का, हे पाहणं महत्त्वाचं आहे.
26
आयफोनसारखी डिझाईन आणि प्रीमियम लूक
हा फोन हातात घेतल्यावर याचा लूक आणि बिल्ड क्वालिटी लगेच लक्ष वेधून घेते. विवोने डिझाईनवर खूप मेहनत घेतली आहे. यातला 'सनराईज अँथम' कलर व्हेरियंट खूपच क्लासी दिसतो.
फोनची ॲल्युमिनियम फ्रेम हाताळायला एकदम प्रीमियम वाटते. सोबतच IP68 आणि IP69 रेटिंग असल्यामुळे पाणी किंवा धुळीचं टेन्शन नाही. मागचा मोठा कॅमेरा मॉड्यूल थोडा आयफोनची आठवण करून देतो, पण ओव्हरऑल डिझाईन खूप स्टायलिश आहे. फोनचं वजन 200 ग्रॅमपेक्षा थोडं जास्त असलं तरी, स्लिम डिझाईन आणि फ्लॅट कॉर्नर्समुळे तो हातात धरायला सोयीस्कर वाटतो.
36
144Hz रिफ्रेश रेटसह जबरदस्त AMOLED डिस्प्ले
या स्मार्टफोनचा 6.59 इंचाचा AMOLED डिस्प्ले याची सर्वात मोठी जमेची बाजू आहे. हा डिस्प्ले खूप शार्प आणि ब्राईट आहे, ज्यामुळे उन्हातही स्क्रीन एकदम क्लिअर दिसते. तुम्हाला व्हिडिओ बघायला किंवा इन्स्टाग्रामवर रील्स स्क्रोल करायला आवडत असेल, तर ही स्क्रीन तुम्हाला नक्की आवडेल. यातले डीप ब्लॅक आणि उत्तम कॉन्ट्रास्ट रेशिओ व्हिडिओ पाहण्याचा अनुभव आणखी भारी करतात.
विवोने यात 144Hz रिफ्रेश रेट दिला आहे, पण बहुतांश वेळा फोन 120Hz वरच चालतो, जे वापरायला खूप स्मूथ वाटतं. याशिवाय स्क्रीनखाली दिलेला अल्ट्रासोनिक फिंगरप्रिंट स्कॅनर खूप फास्ट काम करतो. तुमचे हात थोडे ओले असले तरीही हा स्कॅनर क्षणात फोन अनलॉक करतो.
Vivo V80 च्या मागे ट्रिपल कॅमेरा सेटअप दिला आहे. यात 50 मेगापिक्सेलचा मेन सेन्सर, 50 मेगापिक्सेलचा 3x टेलिफोटो लेन्स आणि 8 मेगापिक्सेलचा अल्ट्रावाईड कॅमेरा आहे. सोबतच प्रसिद्ध कॅमेरा ब्रँड 'झाईस' (ZEISS) चं कलर ट्युनिंग दिलं आहे. याचा मेन कॅमेरा एकदम नॅचरल आणि भारी फोटो काढतो, जे तुम्ही कोणत्याही एडिटिंगशिवाय थेट सोशल मीडियावर टाकू शकता.
पण 8 मेगापिक्सेलचा अल्ट्रावाईड कॅमेरा थोडा निराश करतो, कारण तो मेन कॅमेराइतके डिटेल्स देत नाही. तरीही, कमी प्रकाशात किंवा रात्रीच्या वेळी मेन कॅमेरा उत्तम रिझल्ट देतो.
56
63 हजारांच्या बजेटमध्ये प्रोसेसर थोडा कमकुवत?
आता या फोनच्या परफॉर्मन्सबद्दल बोलूया. Vivo V80 मध्ये क्वालकॉम स्नॅपड्रॅगन 7 Gen 4 प्रोसेसर दिला आहे. तुम्ही इन्स्टाग्राम वापरणं, चॅटिंग, मल्टीटास्किंग किंवा हलकी गेमिंग करत असाल, तर हा फोन एकदम स्मूथ चालतो.
पण खरी अडचण 63,000 रुपयांच्या किमतीत येते. या बजेटमध्ये इतर ब्रँड्स खूप फास्ट प्रोसेसर देतात. तुम्ही हेवी गेमिंग केली किंवा एकाच वेळी अनेक हेवी ॲप्स वापरले, तर मध्येच थोडा लॅग जाणवू शकतो. कॅमेरा ॲप वापरतानाही कधीकधी फोन थोडा अडकल्यासारखा वाटतो. सामान्य युजर्ससाठी हा फोन फास्ट आहे, पण गेमर्सना हा प्रोसेसर थोडा हलका वाटू शकतो.
66
7200mAh ची तगडी बॅटरी, मग फोन घ्यावा की नाही?
विवोने याला कॅमेरा फोन म्हणून प्रमोट केलं असलं, तरी याची खरी ताकद याची बॅटरी आहे. यात 7,200mAh ची मोठी बॅटरी दिली आहे. एवढी मोठी बॅटरी असूनही फोन हातात जड किंवा जाड वाटत नाही, हे कंपनीचं खरं इंजिनिअरिंग स्किल आहे.
सामान्य युजरसाठी ही बॅटरी दीड ते दोन दिवस सहज टिकते. बॉक्समध्ये मिळणारा 90W चा चार्जर याला एका तासात फुल चार्ज करतो. आजकाल यापेक्षा फास्ट चार्जिंग वाले फोन आहेत, पण बॅटरीची साईझ पाहता हा स्पीड चांगला आहे.
थोडक्यात सांगायचं तर, Vivo V80 तुम्हाला नक्की आवडेल. याचा लूक प्रीमियम आहे, डिस्प्ले भारी आहे, बॅटरी लाईफ तगडी आहे आणि कॅमेरा या सेगमेंटमधला बेस्ट आहे. जर तुम्हाला फोटोग्राफी, सोशल मीडिया आणि ऑफिसच्या कामासाठी फोन हवा असेल, तर हा तुम्हाला निराश करणार नाही.
पण याची किंमत (8GB+128GB साठी 62,999 रुपये आणि 8GB+512GB साठी 79,999 रुपये) थोडी जास्त आहे. त्यामुळे प्रोसेसर आणि हार्डवेअरच्या बाबतीत हा फोन थोडे प्रश्न नक्कीच निर्माण करतो.
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
