new lpg connection rules india: केंद्र सरकारने घरगुती गॅस वापराबाबत नवीन नियम लागू केला आहे, ज्यानुसार पाईप नॅचरल गॅस (PNG) कनेक्शन असलेल्या घरांना आता एलपीजी (LPG) सिलेंडर वापरता येणार नाही.
मुंबई: केंद्र सरकारच्या पेट्रोलियम आणि नैसर्गिक वायू मंत्रालयाने घरगुती गॅस वापराच्या नियमात मोठी सुधारणा केली आहे. या नवीन अधिसूचनेमुळे आता एकाच घरात दोन प्रकारचे गॅस कनेक्शन ठेवणाऱ्यांच्या अडचणी वाढणार आहेत. विशेषतः शहरात राहणाऱ्या ग्राहकांसाठी हा निर्णय अत्यंत महत्त्वाचा ठरणार आहे.
25
नेमका निर्णय काय?
ज्या ग्राहकांच्या घरात पाईप नॅचरल गॅस (PNG) कनेक्शन पोहोचले आहे, त्यांना आता घरगुती एलपीजी (LPG) सिलेंडर वापरता येणार नाही. सरकारने एलपीजी (पुरवठा आणि वितरण नियमन) आदेशात सुधारणा करून, एकाच वेळी पीएनजी आणि एलपीजी वापरण्यावर बंदी घातली आहे.
35
ग्राहकांसाठी महत्त्वाचे नियम
कनेक्शन सरेंडर करा: ज्यांच्याकडे पीएनजी आणि सिलेंडर अशी दोन्ही कनेक्शन आहेत, त्यांनी आपले एलपीजी कनेक्शन तात्काळ संबंधित गॅस एजन्सीकडे परत करावे.
रिफिलिंगवर बंदी: पीएनजी ग्राहक आता सरकारी तेल कंपन्यांकडून सिलेंडर रिफिल करू शकणार नाहीत.
नवीन कनेक्शन नाही: ज्यांच्या घरी पीएनजी लाईन आहे, अशा व्यक्तींना नवीन घरगुती एलपीजी कनेक्शन दिले जाणार नाही.
१. ऊर्जा व्यवस्थापन: आंतरराष्ट्रीय स्तरावर, विशेषतः मध्यपूर्वेतील इराण-इस्रायल संघर्षामुळे इंधन पुरवठ्यावर परिणाम होण्याची शक्यता आहे. त्यामुळे देशांतर्गत इंधन व्यवस्थापन अधिक चोख करण्यासाठी सरकारने हे पाऊल उचलले आहे.
२. होर्मुझ सामुद्रधुनीचा पेच: जागतिक इंधन पुरवठ्यासाठी महत्त्वाच्या असलेल्या होर्मुझ सामुद्रधुनीतील तणावाच्या पार्श्वभूमीवर भारत सरकार सतर्क झाले आहे. इराणने भारतीय जहाजांना मार्ग देण्याबाबत सहकार्य केले असले तरी भविष्यातील अनिश्चितता टाळण्यासाठी हा बदल करण्यात आला आहे.
55
कोणावर होणार परिणाम?
या निर्णयाचा सर्वाधिक फटका मुंबई, पुणे यांसारख्या मोठ्या शहरांमधील ग्राहकांना बसेल, जिथे सोसायट्यांमध्ये पीएनजी सुविधा मोठ्या प्रमाणावर उपलब्ध आहे. अनेक नागरिक पर्यायी व्यवस्था म्हणून एक सिलेंडर राखून ठेवतात, मात्र आता हा पर्याय कायदेशीररीत्या बंद होणार आहे.
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
