MAHA Health Recruitment: वैद्यकीय अधिकारी पदासाठी मोठी संधी! १४४० जागांच्या भरतीसाठी अर्ज करण्यास शेवटचे दोन दिवस शिल्लक

Medical Officer Recruitment 2026: महाराष्ट्र शासनाच्या सार्वजनिक आरोग्य विभागात 'वैद्यकीय अधिकारी' गट-अ पदाच्या एकूण १४४० जागांसाठी भरती प्रक्रिया सुरू आहे. या भरतीसाठी ऑनलाईन अर्ज करण्याची अंतिम मुदत ३१ मार्च २०२६ आहे.

वैद्यकीय अधिकारी पदासाठी मोठी संधी!

मुंबई: महाराष्ट्र शासनाच्या सार्वजनिक आरोग्य विभागात 'वैद्यकीय अधिकारी' (गट-अ) पदावर काम करण्याची सुवर्णसंधी आता शेवटच्या टप्प्यात आहे. या मेगाभरतीसाठी ऑनलाईन अर्ज करण्याची मुदत अवघ्या दोन दिवसांत म्हणजेच ३१ मार्च २०२६ रोजी संपणार आहे. पात्र उमेदवारांनी तांत्रिक अडचणी टाळण्यासाठी शेवटच्या क्षणाची वाट न पाहता तातडीने अर्ज करणे आवश्यक आहे. 

रिक्त पदांचा तपशील

आरोग्य विभागात एकूण १४४० रिक्त जागांसाठी ही भरती प्रक्रिया राबवली जात आहे.

वैद्यकीय अधिकारी (MBBS): ७६६ जागा.

वैद्यकीय अधिकारी (विशेषज्ञ/Specialist): ७७४ जागा. 

पात्रता आणि अटी

शिक्षण:

MBBS पदासाठी: मान्यताप्राप्त विद्यापीठाची MBBS पदवी अनिवार्य.

विशेषज्ञ पदासाठी: संबंधित विषयातील वैद्यकीय पदव्युत्तर पदवी (MD/MS), पदविका (Diploma) किंवा समतुल्य अर्हता.

वयोमर्यादा (२० मार्च २०२६ रोजी):

किमान १८ वर्षे ते कमाल ३८ वर्षे.

मागासवर्गीय, अनाथ, दिव्यांग आणि आर्थिक दुर्बल (EWS) घटकांसाठी ५ वर्षांची शिथिलता. 

अर्ज शुल्क

खुला प्रवर्ग: १००० रुपये.

राखीव प्रवर्ग (मागासवर्गीय, EWS, अनाथ, दिव्यांग, महिला व खेळाडू): ७०० रुपये. 

अर्ज कसा करायचा?

उमेदवारांनी सार्वजनिक आरोग्य विभागाच्या अधिकृत संकेतस्थळावर जाऊन ऑनलाईन नोंदणी करायची आहे. ३१ मार्च २०२६ ही अर्ज भरण्याची आणि परीक्षा शुल्क जमा करण्याची अंतिम तारीख आहे. ही भरती संपूर्ण महाराष्ट्रातील विविध शासकीय रुग्णालयांसाठी पार पडणार आहे.

महत्त्वाची टीप

अधिकृत जाहिरातीची PDF काळजीपूर्वक वाचा आणि सर्व मूळ कागदपत्रे स्कॅन करून जवळ ठेवा, जेणेकरून फॉर्म भरताना त्रुटी राहणार नाही.