Kitchen Tips: लिंबाचं लोणचं करताना या चुका टाळा, नाहीतर सगळी मेहनत जाईल वाया!

Kitchen Tips: घरी बनवलेल्या लोणच्याची चवच न्यारी असते. अनेक घरांमध्ये लोणच्यासाठी खास बरणी वापरली जाते. पण लोणचं बनवताना काही छोट्या चुका झाल्या तर सगळी मेहनत वाया जाऊ शकते. म्हणूनच लिंबाचं लोणचं बनवताना कोणत्या गोष्टी लक्षात ठेवायच्या ते जाणून घेऊ.

लिंबू निवडताना चूक करू नका

लोणच्यासाठी नेहमी ताजे आणि डाग नसलेले लिंबू निवडा. यामुळे लिंबामध्ये मसाला व्यवस्थित मुरतो आणि लोणचं जास्त चवदार होतं.

लिंबू पूर्णपणे कोरडे करा

लोणचं बनवण्यापूर्वी लिंबू स्वच्छ धुवून पूर्णपणे कोरडे करा. लिंबावर थोडा जरी ओलावा राहिला, तरी लोणचं खराब होऊ शकतं.

स्वच्छ आणि कोरडी बरणी वापरा

लोणचं ठेवण्यासाठी काचेची बरणी किंवा भांडं पूर्णपणे स्वच्छ आणि कोरडं असावं. त्यात धूळ किंवा ओलावा असल्यास लोणच्याला बुरशी लागू शकते.

मीठ आणि तेलाचं योग्य प्रमाण

लोणचं जास्त काळ टिकावं आणि चवदार बनावं यासाठी मीठ आणि तेल योग्य प्रमाणात वापरा. यांचं प्रमाण चुकल्यास चव बिघडते आणि लोणचं लवकर खराब होतं.

थेट सूर्यप्रकाशात ठेवू नका

लोणच्याची बरणी थेट सूर्यप्रकाश येईल अशा ठिकाणी ठेवू नका. यामुळे लोणच्याची चव आणि रंग दोन्ही बदलू शकतं आणि ते लवकर खराब होऊ शकतं.