Kitchen Tip: मशरूम्स फक्त पाण्याने धुतल्यास ते पाणी शोषून घेतात, चिकट होतात आणि भाजीची चव बिघडवतात. मशरूममधील पोषक तत्वं आणि चव कायम ठेवून त्यांना सहजपणे स्वच्छ, पांढरेशुभ्र करण्यासाठी काही खास किचन ट्रिक्स इथे दिल्या आहेत.
मशरूम्स आरोग्यासाठी खूप फायदेशीर असतात. पण त्यांच्या विशिष्ट रचनेमुळे त्यात घाण आणि बॅक्टेरिया सहज अडकतात. त्यामुळे बाजारातून आणलेले मशरूम्स योग्य पद्धतीने स्वच्छ करणं खूप महत्त्वाचं आहे, जेणेकरून त्यांची चव आणि पोषक तत्वं टिकून राहतील.
26
मशरूम स्वच्छ करणं...
मशरूम स्वच्छ करणं हे एक मोठं आव्हान वाटू शकतं. बाजारातून आणलेल्या मशरूमवर भरपूर माती, काळे डाग आणि खताचे अंश चिकटलेले असतात. अनेकजण ते फक्त पाण्याने धुतात, पण मशरूम स्पंजसारखे असल्याने पाणी लगेच शोषून घेतात. यामुळे ते चिकट होतात आणि शिजवताना त्यांची चव बिघडते. मशरूम पूर्णपणे पांढरे आणि स्वच्छ दिसावेत यासाठी तुम्हाला काही खास किचन ट्रिक्स वापराव्या लागतील.
36
मशरूम स्वच्छ करण्यासाठी पाण्याऐवजी वापरा...
खूप खराब झालेले मशरूम्ससुद्धा घरी सहजपणे कसे स्वच्छ करायचे, हे आम्ही तुम्हाला इथे सांगणार आहोत. मशरूम स्वच्छ करण्यासाठी पाण्याऐवजी या पद्धती वापरणं अधिक फायदेशीर ठरतं.
एका भांड्यात मशरूम्स घ्या आणि त्यावर थोडं कोरडं गव्हाचं पीठ भुरभुरा. आता हलक्या हातांनी मशरूम्स चोळा. पीठ मशरूमच्या पृष्ठभागावरील सर्व काळी घाण आणि चिकटपणा शोषून घेईल. पिठासोबत घाण निघून गेल्यावर, मशरूम्स वाहत्या पाण्याखाली पटकन धुवा आणि लगेच कोरड्या कापडाने पुसून घ्या.
56
... तर मशरूम हलक्या हाताने पुसून काढा.
जर मशरूम्स जास्त खराब नसतील, तर त्यांना पाण्यात बुडवण्याऐवजी एक किचन टॉवेल किंवा मलमलचं कापड थोडं ओलं करून घ्या. प्रत्येक मशरूम हलक्या हाताने पुसून काढा. यामुळे त्यांच्यावरची माती निघून जाईल आणि मशरूम पाणीही शोषून घेणार नाहीत.
66
काळजीपूर्वक स्वच्छता करायची असेल तर...
तुम्हाला अधिक काळजीपूर्वक स्वच्छता करायची असेल, तर एका भांड्यात थोडं कोमट पाणी घेऊन त्यात थोडं मीठ घाला. त्यात मशरूम्स टाकून फक्त ३० सेकंद ठेवा. लगेच बाहेर काढून थंड पाण्याने धुवा आणि कोरडे करा. लक्षात ठेवा, मशरूम्स पाण्यात जास्त वेळ ठेवू नका.
