Car Market: भारतात इलेक्ट्रिक कारची क्रेझ दिवसेंदिवस वाढत आहे. पेट्रोल-डिझेलच्या वाढत्या किंमतींमुळे अनेकजण EV कडे वळत आहेत. म्हणूनच, आम्ही तुमच्यासाठी जास्त रेंज देणाऱ्या टॉप 5 बजेट इलेक्ट्रिक कारची लिस्ट घेऊन आलो आहोत.
पेट्रोल आणि डिझेलच्या वाढत्या किंमतींमुळे सर्वसामान्य माणूस हैराण झाला आहे. त्यामुळे आता अनेकजण इलेक्ट्रिक वाहनांकडे (EV) वळू लागले आहेत. कमी मेन्टेनन्स खर्च, शांत प्रवास आणि पर्यावरणाची काळजी, या कारणांमुळे इलेक्ट्रिक कारची लोकप्रियता वाढत आहे. चला, भारतातील जास्त रेंज देणाऱ्या टॉप 5 बजेट इलेक्ट्रिक कार्सबद्दल जाणून घेऊया.
26
एमजी कॉमेट ईव्ही (MG Comet EV)
ज्यांना कमी बजेटमध्ये एक चांगली इलेक्ट्रिक कार हवी आहे, त्यांच्यासाठी एमजी कॉमेट हा एक उत्तम पर्याय आहे. या कारमध्ये 17.3kWh क्षमतेची बॅटरी आहे, जी 41.43 bhp पॉवर आणि 110 Nm टॉर्क जनरेट करते. ARAI नुसार, ही कार एकदा पूर्ण चार्ज केल्यावर 230 किमीपर्यंत धावते. या मॉडेलची किंमत 7.62 लाखांपासून सुरू होते. विशेष म्हणजे, 'BaaS' (बॅटरी ॲज अ सर्व्हिस) योजनेअंतर्गत बॅटरी भाड्याने घेतल्यास ही कार फक्त 4.99 लाखांत खरेदी करता येते.
36
टाटा टियागो ईव्ही (Tata Tiago EV)
टाटा मोटर्सची टियागो ईव्ही मध्यमवर्गीय कुटुंबांसाठी एक वरदान ठरली आहे. हे मॉडेल 19.2kWh आणि 24kWh अशा दोन बॅटरी पर्यायांमध्ये उपलब्ध आहे. ही कार एका चार्जमध्ये जास्तीत जास्त 315 किमीपर्यंतची रेंज देते. या कारची सुरुवातीची किंमत 7.99 लाख रुपये आहे.
ज्यांना बजेटमध्ये एसयूव्ही (SUV) स्टाईल कार हवी आहे, त्यांच्यासाठी टाटा पंच ईव्ही एक योग्य पर्याय आहे. यात 30kWh आणि 40kWh चे दोन बॅटरी पॅक देण्यात आले आहेत. एकदा चार्ज केल्यावर ही कार सुमारे 420 ते 468 किमी पर्यंतची रेंज देते. या मॉडेलची सुरुवातीची किंमत 9.69 लाख रुपये आहे. 'BaaS' योजनेद्वारे खरेदी केल्यास ही कार 6.49 लाखांत मिळू शकते.
56
सिट्रोएन ईसी3 (Citroen eC3)
सिट्रोएन ईसी3 ही कार तिच्या प्रशस्त जागेसाठी आणि आरामदायी प्रवासासाठी ओळखली जाते. यात 29.2kWh क्षमतेची हाय-डेन्सिटी लिथियम-आयर्न बॅटरी आहे, ज्यामुळे ही कार 320 किमीपर्यंतची रेंज देते. या कारची सुरुवातीची किंमत 11.99 लाख रुपयांपासून सुरू होते.
ज्यांना मॉडर्न लूक आणि जबरदस्त परफॉर्मन्स हवा आहे, त्यांच्यासाठी महिंद्रा एक्सयूव्ही ३एक्सओ ईव्ही एक उत्तम पर्याय आहे. यात 39.4kWh क्षमतेचा मोठा बॅटरी पॅक आहे. ही कार एका पूर्ण चार्जमध्ये 400 किमी ते 450 किमीपर्यंतची रेंज देते. या मॉडेलची किंमत 13.89 लाख रुपयांपासून सुरू होते.
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
