Very Interesting Fact: रक्त पाहिल्यावर चक्कर का येते? कारण माहिती आहे का?

Interesting Fact: आपल्यापैकी अनेकांना रक्त पाहिल्यावर चक्कर आल्यासारखं वाटतं. काहीजण तर बेशुद्ध होऊन खाली पडतात. पण असं का होतं, याचा तुम्ही कधी विचार केला आहे का? याबद्दल आपण जाणून घेणार आहोत. 

रक्त पाहिल्यावर चक्कर का येते?

काही लोकांना रक्त पाहिल्यावर अचानक चक्कर येते. काहीजण बेशुद्धही होतात. अनेकजण याला भीती किंवा मानसिक अशक्तपणा समजतात. पण ही शरीरात होणारी एक नैसर्गिक प्रतिक्रिया आहे.

वाझोव्हेगल सिंकोप

या स्थितीला वैद्यकीय भाषेत 'वाझोव्हेगल सिंकोप' म्हणतात. रक्त किंवा जखम पाहिल्यावर चेतासंस्था अति-प्रतिक्रिया देते. यामुळे हृदयाचे ठोके मंदावतात आणि मेंदूला रक्तपुरवठा कमी झाल्याने चक्कर येते.

शरीर आधीच देतं धोक्याचे संकेत

बेशुद्ध होण्यापूर्वी शरीर काही संकेत देते. जसे की चक्कर येणे, थंड घाम, अंधुक दिसणे, मळमळ आणि त्वचा फिकट पडणे. ही लक्षणे ओळखल्यास धोका टाळता येतो.

ही समस्या कोणामध्ये जास्त दिसते?

ही समस्या तरुणांमध्ये जास्त दिसते. जास्त वेळ उभे राहणे, कमी पाणी पिणे, उपाशी राहणे किंवा थकवा यामुळे हा त्रास होऊ शकतो. तीनपैकी एका व्यक्तीला आयुष्यात एकदा तरी असा अनुभव येतो.

चक्कर आल्यास त्वरित काय करावं?

चक्कर आल्यास जमिनीवर झोपून पाय वर करा. किंवा बसून डोके गुडघ्यांमध्ये ठेवा. घट्ट कपडे सैल करा. वारंवार त्रास होत असल्यास, छातीत दुखल्यास किंवा श्वास घेण्यास त्रास झाल्यास डॉक्टरांना भेटा.