दिवाळी स्पेशल: घरीच बनवा चविष्ट ड्राय फ्रूट लाडू, पाहा रेसिपी

दिवाळीनिमित्त शेफ कुणाल कपूर यांनी एक चविष्ट ड्राय फ्रूट लाडूची रेसिपी शेअर केली आहे. ड्राय फ्रूट्स, बिया, कणीक आणि मसाल्यांचा वापर करून फक्त ५० मिनिटांत हा हेल्दी गोड पदार्थ बनवता येतो. सणाचा आनंद वाढवण्यासाठी घरीच बनवा हे स्पेशल लाडू.

डिंक तळून घ्या

पॅनमध्ये तूप गरम करून त्यात डिंक टाका आणि मध्यम आचेवर फुलेपर्यंत तळून घ्या. त्यानंतर काढून जास्तीचे तूप निथळून घ्या आणि थोडे जाडसर वाटून घ्या.

बदाम आणि काजू तळा

पॅनमध्ये उरलेल्या तुपात बदाम आणि काजू तळून घ्या. तळून झाल्यावर तूप निथळून एका प्लेटमध्ये काढा आणि मिक्सरमध्ये थोडे जाडसर वाटून घ्या.

खसखस आणि तीळ तळा

पॅनमध्ये थोडे तूप घालून खसखस आणि तीळ हलके तळून घ्या. गाळणीने काढून बाकीच्या तळलेल्या ड्राय फ्रूट्समध्ये मिसळा.

बेसन आणि कणीक भाजा

मध्यम आचेवर पॅनमध्ये तूप गरम करून बेसन आणि कणीक सोनेरी तपकिरी होईपर्यंत भाजत राहा. हे मिश्रण ड्राय फ्रूट्समध्ये मिसळा.

लाडू वळा आणि सर्व्ह करा

हातात थोडे मिश्रण घेऊन गोल लाडू वळा. कोरडे वाटल्यास थोडे तूप घाला आणि सेट होण्यासाठी ठेवा. तुमचे ड्राय फ्रूट लाडू तयार आहेत.