दिवाळीच्या मुहूर्तावर तुम्ही नवीन कार घेण्याचा विचार करत आहात का? टाटा आणि मारुतीसह अनेक कंपन्यांनी ग्राहकांसाठी भन्नाट ऑफर्स आणल्या आहेत. कोणत्या गाडीवर किती डिस्काउंट मिळतोय?
दिवाळी सणाच्या निमित्ताने नवीन कार घेणाऱ्या ग्राहकांना आकर्षित करण्यासाठी टाटा, मारुती आणि सिट्रोएन सारख्या कंपन्यांनी अनेक ऑफर्स जाहीर केल्या आहेत. हॅचबॅक आणि इलेक्ट्रिक कार्सवर कॅश डिस्काउंट, एक्सचेंज बोनस आणि इतर अतिरिक्त फायदे मिळत आहेत. या यादीत टाटा टियागो ईव्हीवर सर्वाधिक १.४५ लाख रुपयांपर्यंत सूट मिळत आहे. चला तर मग, इतर चार गाड्यांवर मिळणाऱ्या ऑफर्स…
25
टाटा टियागो ईव्ही - १.४५ लाखांपर्यंत फायदा
टाटा टियागो ईव्हीच्या जुन्या डिझाईन मॉडेलच्या शिल्लक स्टॉकवर कंपनी १.४५ लाख रुपयांपर्यंत फायदे देत आहे. यामध्ये १ लाख रुपयांपर्यंत कॅश डिस्काउंट, ५०,००० रुपयांपर्यंत स्पेशल ऑफर आणि एक्सचेंज किंवा क्लिअरन्सवर २५,००० रुपयांपर्यंत फायदा मिळू शकतो. या इलेक्ट्रिक कारमध्ये 19 kWh आणि 24 kWh असे दोन बॅटरी पर्याय मिळतात. ही कार एका चार्जवर २९३ किमी (ARAI प्रमाणित) रेंज देते. या कारची एक्स-शोरूम किंमत ७.९९ लाख ते ११.१४ लाख रुपयांच्या दरम्यान आहे.
35
सिट्रोएन सी३ कारवर १.१८ लाखांची सूट
फ्रेंच कार उत्पादक कंपनी सिट्रोएन त्यांच्या सी३ (C3) कारवर १.१८ लाख रुपयांपर्यंत फायदे देत आहे. या कारमध्ये १.२ लिटर नॅचरली अस्पिरेटेड पेट्रोल इंजिन आणि टर्बो पेट्रोल इंजिन असे दोन पर्याय मिळतात. साधे पेट्रोल इंजिन 82 hp पॉवर आणि 115 Nm टॉर्क जनरेट करते. तर टर्बो इंजिन 110 hp पॉवर आणि 190 ते 205 Nm टॉर्क देते. या कारची एक्स-शोरूम किंमत ४.९९ लाख ते ९.६८ लाख रुपयांपर्यंत आहे.
मारुती स्विफ्ट ब्लिट्झ एडिशनवर ग्राहकांना ७१,००० रुपयांपर्यंत फायदे मिळत आहेत. इतर पेट्रोल व्हेरियंट्सवर १०,००० रुपये कॅश डिस्काउंट, २५,००० रुपये एक्सचेंज बोनस आणि ५,००० रुपयांपर्यंत अतिरिक्त फायदे दिले जात आहेत. स्विफ्ट कार पेट्रोल आणि सीएनजी दोन्ही पर्यायांमध्ये उपलब्ध आहे. तसेच, सेलेरियो कारवर ६७,५०० रुपयांपर्यंत ऑफर्स जाहीर झाल्या आहेत. यात ४०,००० रुपयांपर्यंत कॅश डिस्काउंट, २५,००० रुपये एक्सचेंज बोनस आणि २,५०० रुपयांपर्यंत अतिरिक्त फायदे समाविष्ट आहेत.
55
वॅगनआर कारवरही ६७,००० रुपयांपर्यंत ऑफर
मारुती वॅगनआर वॉल्ट्झ एडिशनवर ६७,००० रुपयांपर्यंत फायदे मिळत आहेत. याशिवाय ३८,००० रुपये किमतीच्या अतिरिक्त ॲक्सेसरीज आणि १,९०० रुपयांपर्यंतचे इतर फायदेही दिले जात आहेत. इंजिनच्या पर्यायानुसार इतर व्हेरियंट्सवर ५७,५०० रुपयांपर्यंत सूट उपलब्ध आहे. या कारची एक्स-शोरूम किंमत ४.९९ लाख ते ७.२४ लाख रुपयांच्या दरम्यान आहे. मॉडेल, व्हेरियंट आणि डीलरकडील स्टॉकनुसार या ऑफर्स बदलू शकतात.
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
