अंडींनाही एक्सपायरी डेट असते ? ते फ्रिजमध्ये किती दिवस ठेवू शकतो? जाणून घ्या

अंड्यांमध्ये अनेक पोषक तत्वे असतात. त्यामुळे बरेच लोक  मोठ्या प्रमाणात अंडी विकत घेऊन घरी साठवतात. पण, अंड्यांनाही एक्सपायरी डेट असते हे अनेकांना माहीत नाही.  अंडी घरी किती दिवस साठवून ठेवता येतात हे जाणून घेणे महत्त्वाचे आहे. 

अंडी परिपूर्ण अन्न

अंडी हे प्रथिने, जीवनसत्त्वे आणि खनिजांनी परिपूर्ण अन्न आहे. पण साल्मोनेला बॅक्टेरियामुळे अंडी खराब होऊ शकतात. खराब अंडी खाल्ल्याने फूड पॉइझनिंगचा धोका असतो.

अंडी किती दिवस साठवून ठेवावीत?

कच्ची अंडी फ्रिजमध्ये 3-5 आठवडे, तर उकडलेली अंडी 5-7 दिवस टिकतात. अंडी फ्रिजच्या दारात न ठेवता आतील भागात ठेवावीत, जिथे तापमान 4°C पेक्षा कमी आणि स्थिर असते.

अंडे खराब झाले आहे हे कसे ओळखावे?

अंड्याच्या ताजेपणाची चाचणी करण्यासाठी सोप्या पद्धती आहेत. ताजे अंडे पाण्यात बुडते, तर खराब अंडे तरंगते. खराब अंड्याला कुजलेला वास येतो आणि हलवल्यावर आवाज येतो.