Creative DIY: फळांची जाळी फेकू नका! बनवा घरातल्या घरात या 6 भन्नाट वस्तू

Creative DIY: आपण फळं विकत आणतो आणि त्यासोबत आलेली जाळी सरळ कचऱ्याच्या डब्यात टाकतो. पण थांबा! ही जाळी कचरा नाही. थोडी क्रिएटिव्हिटी वापरून तुम्ही याच टाकाऊ जाळीपासून घरासाठी सुंदर डेकोरेशनच्या वस्तू बनवू शकता.

फळांच्या जाळीपासून बनवा वस्तू

फळांच्या जाळीपासून बनवलेल्या या वस्तू तुमच्या घराला एक वेगळाच लुक देतील. टाकाऊ वस्तूंचा पुन्हा वापर करण्याचा हा एक उत्तम मार्ग आहे. तुम्हाला जर DIY आणि क्राफ्टिंगची आवड असेल, तर या आयडिया नक्की ट्राय करा. तुमच्या या क्रिएटिव्हिटीचं मित्र आणि शेजारी नक्कीच कौतुक करतील.

छोटे गोंडस प्राणी

या फळांच्या जाळीचा वापर करून तुम्ही छोटे गोंडस प्राणी बनवू शकता. ससा, हत्ती किंवा फुलपाखरू यांसारखे आकार तयार करून तुम्ही तुमचं शेल्फ सजवू शकता. हे बनवण्यासाठी तुम्हाला फक्त फोम, ग्लू आणि काळ्या रंगाची बटणं लागतील.

रंगीबेरंगी फुलं

या फोमपासून तुम्ही रंगीबेरंगी फुलं बनवून त्याचा छानसा गुच्छ तयार करू शकता. यासाठी फक्त फोम कापून त्याला फुलाचा आकार द्या आणि ग्लूने चिकटवा. यामुळे तुमच्या घराला एक सुंदर आणि 'एस्थेटिक' लुक मिळेल.

छोटी फळं

फळांची जाळी फेकून देण्याऐवजी, तुम्ही त्यापासूनच छोटी-छोटी फळं बनवू शकता. ही फळं तुम्ही किचनच्या शेल्फवर किंवा सेंटर टेबलवर ठेवून घराची शोभा वाढवू शकता. 

फ्लॉवर पॉट

एखाद्या रिकाम्या बाटलीवर किंवा ग्लासवर फळांची जाळी चढवून तुम्ही एक सुंदर फ्लॉवर पॉट तयार करू शकता. यात कृत्रिम फुलं ठेवून तुम्ही टेबल डेकोरेशनसाठी याचा वापर करू शकता.