No Claim Bonus: तुम्ही गाडीचा इन्शुरन्स काढताना NCB चा फायदा घेतला आहे का? NCB मुळे तुम्हाला प्रीमियमवर तब्बल 50% पर्यंत सूट मिळू शकते. यामुळे तुमचा इन्शुरन्सचा हप्ता मोठ्या प्रमाणात कमी होतो.
गाडीचा इन्शुरन्स काढताना किंवा रिन्यू करताना खूप काळजी घेतली पाहिजे. विशेषतः इन्शुरन्स रिन्यू करताना NCB खूप महत्त्वाचा ठरतो. ज्यांनी वर्षभर कोणताही क्लेम केलेला नाही, त्यांना जास्तीत जास्त 50% पर्यंत NCB मिळू शकतो.
26
प्रीमियम थेट अर्ध्यावर!
गाडीच्या इन्शुरन्स प्रीमियममध्ये मोठी बचत करण्यासाठी 'नो क्लेम बोनस' (NCB) एक उत्तम मार्ग आहे. पॉलिसीच्या काळात तुम्ही कोणताही क्लेम केला नाही, तर इन्शुरन्स कंपनी तुम्हाला एक बक्षीस देते. हेच बक्षीस म्हणजे NCB. याचा योग्य फायदा घेतल्यास प्रीमियम निम्म्याने कमी होऊ शकतो.
36
काय आहे नो क्लेम बोनस?
NCB म्हणजे इन्शुरन्स रिन्यू करताना 'ओन डॅमेज' प्रीमियमवर मिळणारी सूट. पहिल्या वर्षी क्लेम न केल्यास 20% सूट मिळते. सलग पाच वर्षे क्लेम न केल्यास ही सूट 50% पर्यंत वाढते. उदाहरणार्थ, तुमच्या गाडीचा प्रीमियम ₹35,000 असेल, तर पहिल्या क्लेम-फ्री वर्षानंतर तुम्हाला ₹7,000 ची सूट मिळेल. पाच वर्षांनंतर हीच बचत ₹17,500 पर्यंत पोहोचू शकते.
NCB चा सर्वात मोठा फायदा म्हणजे तो गाडीला नाही, तर गाडीच्या मालकाला मिळतो. त्यामुळे तुम्ही जुनी कार विकून नवीन घेतल्यास, तुमचा NCB नवीन गाडीवर ट्रान्सफर करू शकता. इतकंच नाही, तर तुम्ही इन्शुरन्स कंपनी बदलली तरी हा बोनस तुमच्यासोबतच राहतो.
56
छोटे क्लेम: फायदा की तोटा?
छोट्या-छोट्या दुरुस्तीसाठी इन्शुरन्स क्लेम करणं तुम्हाला महागात पडू शकतं. कारण एका लहान क्लेममुळे तुम्ही मोठ्या NCB ला मुकाल. जुनी गाडी विकताना इन्शुरन्स कंपनीला कळवून 'NCB रिटेन्शन सर्टिफिकेट' घ्या. तुमचा NCB चा फायदा गाडी खरेदी करणाऱ्याला मिळत नाही, तो तुम्ही नवीन गाडीसाठी वापरू शकता.
66
हा 90 दिवसांचा नियम लक्षात ठेवा
पॉलिसीची मुदत संपल्यानंतर 90 दिवसांच्या आत रिन्यू नाही केली, तर तुमचा NCB पूर्णपणे रद्द होतो. गाडी चोरीला गेल्यास आणि तुम्ही क्लेम केल्यास तुमचा NCB शून्य होतो. IDV म्हणजे तुमच्या गाडीची बाजारातील किंमत. NCB मुळे गाडीची किंमत कमी होत नाही, तर फक्त तुम्हाला भराव्या लागणाऱ्या प्रीमियमची रक्कम कमी होते.
