Kitchen Tips: उन्हाळ्यात भरपूर पैसे खर्च करून आणलेले आंबे दोन दिवसांतच खराब होतात का? मग हे सोपे किचन हॅक्स आणि तज्ज्ञांचे सल्ले नक्की वाचा. या टिप्समुळे तुमचे आंबे 15 दिवसांपर्यंत ताजे आणि रसरशीत राहतील.
उन्हाळा आला की घरात आंब्यांचा सुगंध दरवळतो. पण खूप आवडीने आणि पैसे खर्च करून आणलेले आंबे दोन दिवसांतच मऊ पडून सडले तर खूप वाईट वाटतं. आपण करत असलेल्या काही छोट्या चुकांमुळेच आंब्यांची चव आणि गुणवत्ता कमी होते. चला तर मग, आंबे 10-15 दिवस खराब न होता ताजे कसे ठेवायचे ते जाणून घेऊया.
26
खरेदी करतानाच हुशारी दाखवा
बरेच लोक पूर्णपणे पिकलेले आणि मऊ आंबे निवडतात. पण तज्ज्ञांच्या मते, थोडे कच्चे किंवा किंचित घट्ट असलेले आंबे खरेदी करणे जास्त चांगलं. हे आंबे घरी हळूहळू पिकतात आणि जास्त काळ टिकतात. आंब्यावर कोणतेही काळे डाग नाहीत ना, हे पाहूनच आंबे घ्या.
36
इथिलीन गॅसकडे (Ethylene Gas) लक्ष द्या
आंबे नैसर्गिकरित्या 'इथिलीन' नावाचा वायू सोडतात, ज्यामुळे फळं लवकर पिकतात. त्यामुळे, पूर्ण पिकलेले आंबे आणि कच्च्या कैऱ्या एकत्र ठेवू नका. पिकलेला आंबा जो इथिलीन वायू सोडतो, तो बाजूच्या कैऱ्यांना वेळेआधीच पिकवतो आणि त्या सडू लागतात. सफरचंद आणि केळी सुद्धा इथिलीन वायू सोडतात, म्हणून आंबे त्यांच्यापासूनही दूर ठेवा.
आंब्यांना चांगली हवा मिळणं खूप महत्त्वाचं आहे. बाजारातून आणल्याबरोबर आंबे प्लॅस्टिकच्या पिशवीतून बाहेर काढा. प्लॅस्टिकमध्ये ठेवल्यास आत उष्णता वाढते आणि आंब्यांना घाम येतो. यामुळे बॅक्टेरिया वाढून आंबे लवकर मऊ पडतात. आंबे बांबूच्या टोपल्यांमध्ये किंवा हवेशीर लाकडी खोक्यांमध्ये ठेवणं उत्तम. जमिनीवर पेपर पसरवून त्यावर आंबे सुटे-सुटे ठेवणे हा सुद्धा एक चांगला मार्ग आहे.
56
ओलाव्यापासून दूर ठेवा
आंबे साठवण्यापूर्वी कधीही धुऊ नका. ओलावा असेल तर बुरशी लागण्याची शक्यता असते. जर तुम्हाला आंबे लवकर पिकवायचे असतील, तर त्यांना ब्राऊन पेपर बॅगमध्ये ठेवा. पण जर जास्त दिवस टिकवायचे असतील, तर प्रत्येक आंबा न्यूज़पेपर किंवा टिश्यू पेपरमध्ये वेगवेगळा गुंडाळून ठेवा. यामुळे आंब्यातील अतिरिक्त ओलावा शोषला जातो.
66
फ्रिजमध्ये कधी ठेवायचे?
कच्च्या कैऱ्या किंवा पूर्ण न पिकलेले आंबे फ्रिजमध्ये ठेवणं ही एक सामान्य चूक आहे. आंबे पूर्णपणे पिकेपर्यंत त्यांना रूम टेंपरेचरवरच (Room Temperature) ठेवा. पूर्ण पिकल्यावरच ते फ्रिजमध्ये ठेवा. फ्रिजमध्ये ठेवतानाही एकावर एक न ठेवता, टिश्यू पेपरमध्ये गुंडाळून व्हेजिटेबल बॉक्समध्ये ठेवा. असं केल्यास ते 5-7 दिवस ताजे राहतील. तसेच, ठेवलेले आंबे रोज एकदा हळूवारपणे फिरवत राहा. एकाच बाजूवर जास्त वेळ राहिल्यास दाब पडून तो भाग मऊ होऊ शकतो.
