Car Mileage Tips : गाडीचे मायलेज वाढवायचे आहे? ड्रायव्हिंग करताना या 5 चुका अजिबात करू नका!

Car Mileage Tips: आजकाल पेट्रोल-डिझेलच्या वाढत्या दरांमुळे कारचालक हैराण झाले आहेत. पण ड्रायव्हिंगच्या काही वाईट सवयी सोडून तुम्ही गाडीचे मायलेज सहज वाढवू शकता. इंधन आणि पैसे दोन्ही वाचवण्यासाठी या 5 सोप्या टिप्स नक्की फॉलो करा.

कारचे मायलेज कसे वाढवायचे?

वाढत्या इंधन दरांमुळे वाहनचालकांचे बजेट कोलमडले आहे. गाडी जुनी झाली की मायलेज घटतो हा समज चुकीचा असून ड्रायव्हिंगच्या काही चुकांमुळेच जास्त इंधन खर्च होते. रोजच्या सవयींमध्ये थोडे बदल करून तुम्ही नक्कीच पेट्रोल-डिझेलची बचत करू शकता.

टायरमधील हवा तपासून पाहा

टायरमधील हवा कमी असल्यास रस्त्यासोबत घर्षण वाढून इंजिनवर ताण येतो, ज्यामुळे इंधन जास्त लागते. त्यामुळे आठवड्यातून एकदा टायर प्रेशर नक्की तपासा. तसेच वेळेवर सर्व्हिसिंग, इंजिन ऑइल आणि एअर फिल्टर बदलल्याने इंजिन सुरळीत चालते आणि मायलेज उत्तम मिळतो.

गिअर बदलण्याकडे द्या लक्ष

सतत क्लचवर पाय ठेवून 'हाफ-क्लच' ड्रायव्हिंग केल्याने इंधन जास्त खर्च होते आणि भाग खराब होतात. योग्य वेगावर योग्य गिअर बदलणे गरजेचे असते. तसेच ट्रॅफिक किंवा सिग्नलवर ३० सेकंदांपेक्षा जास्त वेळ थांबायचे असल्यास इंजिन बंद केल्याने पेट्रोलची बचत होते.

डिकीमध्ये काय ठेवता हे महत्वाचे

अनेक जण कारची डिकी गोदामासारखी वापरतात आणि अनावश्यक जड वस्तू त्यात भरून ठेवतात. गाडीचे वजन जितके जास्त वाढेल, तितकीच गाडी ओढण्यासाठी इंजिनला जास्त ताकद लावावी लागते. यामुळे मायलेज कमी होतो. त्यामुळे डिकीत फक्त आवश्यक वस्तूच ठेवा.