Beauty Tips: घरीच बनवा हा नॅचरल कंडिशनर! केस होतील मऊ, मुलायम आणि चमकदार

Beauty Tips: तुमचे केस खूप ड्राय आणि गवतासारखे रखरखीत झाले आहेत का? केसांचा कोरडेपणा घालवून त्यांना पुन्हा एकदा मऊ आणि रेशमी बनवण्यासाठी काय करायचं, हे जाणून घ्या.

केसांची काळजी

आजकाल प्रदूषण, कडक ऊन आणि केमिकलवाले प्रोडक्ट्स वापरल्यामुळे केस निर्जीव आणि गुंतलेले वाटतात. विशेषतः उन्हाळ्यात केस तेलकट आणि कोरडे होतात. बाजारात मिळणाऱ्या महागड्या कंडिशनरमध्ये केमिकल्स असल्यामुळे केसांचं फायद्यापेक्षा नुकसानच जास्त होतं. या समस्येवर उपाय म्हणून, आपण घरच्या घरी नैसर्गिक गोष्टी वापरून केसांना रेशमासारखं चमकदार बनवणारा नॅचरल हेअर कंडिशनर कसा बनवायचा ते पाहूया.

नॅचरल हेअर कंडिशनरसाठी लागणारे साहित्य...

कोरफडीचा गर (Aloe vera gel): हे केसांना चांगला ओलावा देतं. चांगले पिकलेले केळे: यामुळे केस मऊ होतात. मध: केसांना नैसर्गिक चमक देतं. नारळाचे दूध: केसांच्या मुळांना मजबूत करतं.

तयार करण्याची पद्धत:

सगळ्यात आधी एका भांड्यात तुमच्या केसांच्या लांबीनुसार कोरफडीचा गर घ्या. केळ्याची गुठळ्यांशिवाय मऊ पेस्ट करून त्यात मिसळा. यात एक चमचा मध आणि 2-3 चमचे ताजं नारळाचं दूध घाला. हे सर्व मिश्रण ब्लेंडरमध्ये टाकून मिक्सरमधून फिरवून घ्या, म्हणजे एक सॉफ्ट क्रीमसारखी पेस्ट तयार होईल. कसे वापरावे? केस शॅम्पूने स्वच्छ धुतल्यानंतर, हे मिश्रण केसांच्या मुळांपासून टोकांपर्यंत चांगले लावा. 10 मिनिटे तसेच ठेवा आणि नंतर साध्या पाण्याने धुवा. आठवड्यातून 1-2 वेळा असे केल्याने केसांची टोकं दुभंगण्याची (Split ends) समस्या कमी होते. बाहेर जाण्याच्या 3-4 तास आधी हा कंडिशनर वापरल्यास केसांवर उन्हाचा परिणाम कमी होतो. इतकंच नाही, तर केस मुलायम आणि सुंदर दिसतात.