Aadhaar Card : आधार कार्डचा गैरवापर वाढत असल्याने, ते कुठे आणि कसे वापरले जात आहे हे तपासणे महत्त्वाचे आहे. सरकारने आता एक नवीन Aadhaar App सुरू केले आहे, ज्याद्वारे तुम्ही सहजपणे तुमची 'आधार ऑथेंटिकेशन हिस्ट्री' तपासू शकता.
Aadhaar Card : आजच्या डिजिटल युगात आधार कार्ड हे केवळ ओळखपत्र नाही, तर तुमची संपूर्ण डिजिटल ओळख बनले आहे. बँक खाते उघडणे, मोबाईल सिम घेणे, सरकारी योजना, पेन्शन, रेशन कार्ड अशा अनेक ठिकाणी आधारचा वापर होतो. मात्र इतका महत्त्वाचा दस्तऐवज असताना, तुमचा आधार कुठे आणि कसा वापरला जातोय यावर लक्ष ठेवणं तितकंच गरजेचं आहे.
26
आधारचा गैरवापर वाढतोय, सावध राहणं आवश्यक
अलीकडे आधारशी संबंधित फसवणुकीचे प्रकार वाढले आहेत.
कधी कोणाच्या नावावर बनावट सिम कार्ड,
कधी फसवणूक करून कर्ज,
तर कधी सरकारी योजनांचा चुकीचा लाभ…
हे सगळं अनेकदा आधारधारकाच्या माहितीशिवाय घडतं.
म्हणूनच, तुमचा आधार कार्ड कधी, कुठे आणि कोणत्या कारणासाठी वापरला गेला हे वेळोवेळी तपासणं अत्यंत महत्त्वाचं ठरतं.
36
आधार वापराची माहिती तपासणं आता आणखी सोपं
पूर्वी आधारची माहिती पाहण्यासाठी वेबसाइट किंवा mAadhaar अॅप वापरावं लागत होतं, जे अनेकांसाठी जरा किचकट होतं. आता सरकारने नवं Aadhaar App सुरू केलं असून, यामुळे आधार ऑथेंटिकेशन हिस्ट्री तपासणं अगदी सोपं झालं आहे.
