Drink Water During Winter : हिवाळ्यात पाणी प्यायलाच हवं... ही आहेत 6 महत्त्वाची कारणं!

थंडीच्या दिवसात ताप, सर्दी-खोकला असे अनेक आजार आपल्याला होतात. या काळात डिहायड्रेशन ही एक मोठी समस्या असते. थंडीत भरपूर पाणी का प्यावे, याची काही महत्त्वाची कारणे जाणून घेऊयात. 

डिहायड्रेशन -

फक्त उन्हाळ्यातच नाही, तर थंडीतही डिहायड्रेशन होते. या काळात आपल्या सभोवतालची हवा कोरडी असते. त्यामुळे शरीरातील पाणी कमी होऊन डिहायड्रेशन होऊ शकते.

कोरडे वातावरण -

थंडीच्या दिवसात हवेतील आर्द्रतेचे प्रमाण खूप कमी असते. त्यामुळे प्रत्येक श्वासासोबत तुमच्या शरीरातील पाण्याची पातळी कमी होते.

तहान -

थंडीच्या दिवसात तहान खूप कमी लागते. त्यामुळे तुमच्या नकळत शरीरात पाण्याची कमतरता निर्माण होऊन डिहायड्रेशन होऊ शकते.

गरम पाणी टाळा -

थंडीत गरम पाणी पिणे टाळावे. यामुळे शरीर अधिक कोरडे होऊ शकते. त्यामुळे गरम पाणी पिणे टाळा.

त्वचा कोरडी -

थंडीच्या दिवसात त्वचा कोरडी होते. शरीराला आवश्यक असलेले पाणी न प्यायल्यास त्वचा आणखी कोरडी होण्याची शक्यता असते.

विशेष काळजी घ्या -

मधुमेह आणि किडनीचे आजार असलेल्या रुग्णांनी थंडीच्या दिवसात भरपूर पाणी पिण्याची विशेष काळजी घ्यावी.