IPL 2026 पूर्वी चेन्नई सुपर किंग या 10 खेळाडूंना दाखवणार घरचा रस्ता, हा आहे मास्टर प्लान!

मुंबई : इंडियन प्रीमियर लीग (IPL) २०२५ मध्ये धोनीच्या टीम चेन्नई सुपर किंग्सने खराब कामगिरी केली. मात्र, २०२६ च्या IPL हंगामापूर्वी त्यांनी एक मास्टर प्लॅन आखला आहे. मिनी लिलावापूर्वी काहींना वगळण्यात येणार असून काही नवीन खेळाडू घेतले जाणार आहेत.

चेन्नई सुपर किंग्स संघात होणार मोठे बदल

इंडियन प्रीमियर लीग (IPL) २०२६ च्या मिनी लिलावाआधी चेन्नई सुपर किंग्स (CSK) नव्या रणनीतीसह तयारीला लागली आहे. मागील हंगामात अपेक्षाभंग झाल्यानंतर संघ मोठ्या प्रमाणात बदल करण्याच्या तयारीत आहे. सूत्रांच्या माहितीनुसार, CSK १० खेळाडूंना संघातून बाहेर करण्याचा विचार करत आहे. या पार्श्वभूमीवर माजी कर्णधार महेंद्रसिंग धोनी आणि विद्यमान कर्णधार ऋतुराज गायकवाड यांनी चेन्नईत महत्त्वपूर्ण बैठक घेतली. या बैठकीत आगामी हंगामासाठी संघाची बलस्थाने वाढवणे, कमकुवत बाजू सुधारणे आणि नव्या खेळाडूंची निवड याबाबत चर्चा झाली. या मास्टर प्लॅनमुळे CSK चाहत्यांमध्ये नव्या उत्साहाची लाट उसळली असून, लिलावात कोणते बदल होतील याकडे सर्वांचे लक्ष लागले आहे.

IPL २०२५ पूर्वी या खेळाडूंना वगळणार

अनेक मीडिया रिपोर्ट्सनुसार, IPL २०२६ पूर्वी चेन्नई सुपर किंग्स (CSK) काही मोठ्या नावांच्या खेळाडूंना संघातून बाहेर करण्याचा विचार करत आहे. या यादीत स्टार खेळाडूंचाही समावेश असून त्यात रविचंद्रन अश्विन (९.७५ कोटी रुपये), डेव्हॉन कॉन्वे (६.२५ कोटी रुपये), रचिन रवींद्र (४ कोटी रुपये), राहुल त्रिपाठी (३.४ कोटी रुपये), सॅम करन (२.४ कोटी रुपये), गुरजप्रीत सिंग (२.२ कोटी रुपये), नॅथन एलिस (२ कोटी रुपये), दीपक हुडा (१.७५ कोटी रुपये), जेमी ओव्हरटन (१.५ कोटी रुपये) आणि विजय शंकर (१.२ कोटी रुपये) यांचा समावेश आहे. मोठ्या अपेक्षांनी या खेळाडूंना संघात घेतले असले तरी, त्यांच्याकडून अपेक्षित कामगिरी झाली नाही. त्यामुळे लिलावाआधी संघात मोठ्या प्रमाणावर फेरबदल होण्याची शक्यता आहे.

IPL २०२५ हंगामात CSK ची कामगिरी कशी होती?

IPL मधील सर्वात यशस्वी संघांपैकी चेन्नई सुपर किंग्स (CSK) एक आहे. मुंबई इंडियन्ससोबत त्यांनी सर्वाधिक जेतेपद जिंकण्याची बरोबरी साधली आहे. मात्र, १८ व्या IPL हंगामात CSK ची कामगिरी अत्यंत निराशाजनक ठरली. संघाने १४ सामने खेळून फक्त ४ विजय मिळवले, तर उर्वरित १० सामन्यांत त्यांना पराभव पत्करावा लागला. या कमकुवत कामगिरीमुळे IPL २०२५ च्या गुणतालिकेत CSK शेवटच्या स्थानावर राहिला. एवढेच नव्हे, तर २०२५ च्या IPL हंगामात प्लेऑफच्या शर्यतीतून बाहेर पडणारा पहिला संघ म्हणूनही त्यांची नोंद झाली. या निकालामुळे चाहत्यांमध्ये आणि व्यवस्थापनात निराशा पसरली असून, आगामी हंगामासाठी मोठे बदल होण्याची चर्चा सुरू आहे.

अश्विनची ही विनंती

भारतीय संघाचा माजी सिनियर फिरकीपटू रविचंद्रन अश्विनने आपल्या भविष्याबाबतच्या अनिश्चिततेमुळे वगळण्याची विनंती केली आहे. गेल्या हंगामात त्याने ९ सामन्यांमध्ये केवळ ७ बळी घेतले. ५ सामन्यांमध्ये तो राखीव खेळाडू म्हणून राहिला. २००९ ते २०१५ पर्यंत CSK कडून खेळलेल्या अश्विनने २०२५ च्या हंगामात ९.७५ कोटी रुपयांना पुन्हा संघात प्रवेश केला. मात्र, अश्विन अपेक्षांनुसार कामगिरी करू शकला नाही.

धोनीचे कर्णधारपद अभिमानास्पद

एमएस धोनी आणि चेन्नई सुपर किंग्समधील नाते IPL च्या इतिहासात खूप खास आहे. २००८ मध्ये पहिल्यांदा कर्णधारपदाची जबाबदारी स्वीकारल्यानंतर धोनीने संघाला IPL मधील सर्वात यशस्वी संघांपैकी एक बनवले. त्याच्या नेतृत्वाखाली चेन्नई सुपर किंग्स १० वेळा अंतिम फेरी गाठली आणि ५ वेळा जेतेपद जिंकले (२०१०, २०११, २०१८, २०२१, २०२३). धोनीचा शांत स्वभाव, दबावाखाली चांगले निर्णय, तरुण खेळाडूंवर विश्वास आणि संघातील स्थिरता हे त्याच्या नेतृत्वाची वैशिष्ट्ये आहेत. चेन्नईच्या चाहत्यांसाठीच नव्हे तर सर्व क्रिकेट चाहत्यांसाठी धोनीचे कर्णधारपद अभिमानास्पद राहिले आहे. २०२५ च्या हंगामानंतर त्याच्या निवृत्तीबाबत अटकळ सुरू असल्या तरी अधिकृतपणे कोणतीही घोषणा झालेली नाही.