Solar Eclipse 2025 In India : आज शनिवारी २ ऑगस्टला सूर्यग्रहण लागणार आहे का? जाणून घ्या NASA काय म्हणतंय?

मुंबई - तुम्हालाही वाटतं का की यावर्षी २ ऑगस्ट रोजी सूर्यग्रहण लागणार आहे? जर हो, तर आता त्यामागील सत्य जाणून घ्या. सोशल मीडियावर ही माहिती मोठ्या प्रमाणावर व्हायरल होत होती, ज्यावर NASA ने स्वतः उत्तर दिलं आहे.

२ ऑगस्ट २०२७ विषयी गोंधळ

NASA च्या म्हणण्यानुसार २ ऑगस्टला खरोखर सूर्यग्रहण लागणार आहे, पण ते २०२५ मध्ये नाही, तर २०२७ मध्ये लागेल (NASA Solar Eclipse Report). याचा अर्थ असा की २ ऑगस्ट २०२५ ला सूर्यग्रहण असल्याची जी माहिती पसरली होती, ती चुकीची आहे. वास्तविक, २०२७ साली लागणारं हे सूर्यग्रहण इतकं विशेष असणार आहे की त्याला "शतकातील सूर्यग्रहण" (Eclipse of the Century) म्हटलं जात आहे. चला तर मग, सूर्यग्रहणाविषयी सविस्तर माहिती पाहूया:

सूर्यग्रहण म्हणजे काय?

जेव्हा चंद्र पृथ्वी आणि सूर्याच्या मध्ये येतो आणि सूर्याच्या प्रकाशाला पूर्णपणे झाकतो, तेव्हा त्याला सूर्यग्रहण म्हणतात. ही घटना फक्त अमावस्येला (New Moon Day)च घडते. वैज्ञानिकांसाठी हा काळ अत्यंत महत्त्वाचा असतो, कारण याच वेळी सूर्याचं कोरोना (Corona), चुंबकीय क्षेत्र आणि इतर हालचाली जवळून पाहता येतात.

सूर्यग्रहणाचे प्रकार

पूर्ण सूर्यग्रहण (Total Solar Eclipse):

जेव्हा चंद्र सूर्याला पूर्णपणे झाकतो.

वृत्ताकार सूर्यग्रहण (Annular Solar Eclipse):

चंद्र सूर्यापेक्षा लहान वाटतो आणि सूर्याच्या भोवती तेजस्वी वलय दिसतं.

आंशिक सूर्यग्रहण (Partial Solar Eclipse):

जेव्हा चंद्र फक्त सूर्याचा काही भाग झाकतो.

हायब्रिड सूर्यग्रहण (Hybrid Eclipse):

ही एक दुर्मीळ घटना आहे जिथे काही ठिकाणी पूर्ण तर काही ठिकाणी वृत्ताकार ग्रहण दिसतं.

२०२५ मध्ये सूर्यग्रहण लागणार का?

NASA च्या माहितीनुसार, २ ऑगस्ट २०२५ रोजी कोणतंही सूर्यग्रहण लागणार नाही.

पण, २१ सप्टेंबर २०२५ ला आंशिक सूर्यग्रहण (Partial Solar Eclipse) लागेल.

ते भारतात दिसणार नाही. हे ऑस्ट्रेलिया, अंटार्क्टिका आणि समुद्र परिसरांमध्ये दिसण्याची शक्यता आहे.

त्यानंतर:

१७ फेब्रुवारी २०२६ – वृत्ताकार सूर्यग्रहण (Annular Solar Eclipse)

१२ ऑगस्ट २०२६ – पूर्ण सूर्यग्रहण (Total Solar Eclipse)

हे ग्रहण स्पेन, ग्रीनलँड, आइसलँड, रशिया आणि पोर्तुगालमध्ये दिसेल.

मग २ ऑगस्ट २०२७ रोजी काय विशेष आहे?

२०२७ मध्ये, २ ऑगस्ट रोजी एक अत्यंत दृश्य व ऐतिहासिक महत्त्वाचं पूर्ण सूर्यग्रहण लागणार आहे.

हे ग्रहण अल्जेरिया, मिसर, लिबिया, मोरोक्को, सौदी अरेबिया, स्पेन, येमेन, ट्युनिशिया, सूदान, सोमालिया, अफगाणिस्तान या देशांमध्ये स्पष्टपणे दिसेल.

बऱ्याच देशांमध्ये आंशिक सूर्यग्रहण देखील दिसणार आहे.

याला “Great North African Eclipse” असंही म्हणतात.

हे ग्रहण सुमारे ६ मिनिटं टिकेल.

नंतर असं ग्रहण शंभर वर्षांनंतर (संभाव्यतः २११४ मध्ये) दिसण्याची शक्यता आहे (जरी याची अधिकृत पुष्टी नाही).

सूर्यग्रहण पाहताना काय काळजी घ्यावी?

आपल्या भागात ग्रहणाची वेळ आधीपासून जाणून घ्या.

फक्त प्रमाणित सोलर व्ह्यूइंग ग्लासेस किंवा हँडहेल्ड सोलर व्ह्यूअर चाच वापर करा.

सूर्य स्पष्ट दिसतो अशा ठिकाणीच पाहण्याची व्यवस्था करा.