Mumbai : वेस्टर्न एक्सप्रेस हायवेवर चालत्या कारवर पडला उड्डाणपुलाचा स्लॅब, दुरुस्तीसाठी 131 कोटींचा केला होता खर्च
वेस्टर्न एक्सप्रेस हायवेवर गुरुवारी (4 जुलै) एक मोठी दुर्घटना घडली. येथील उड्डाणपुलाचा स्लॅब एका चालत्या कारवर पडला गेला. या दुर्घटनेत कार चालक सुदैवाने बचावला आहे. पण कारचे नुकसान झाले आहे.
Mumbai : अंधेरीच्या पुर्वेला असणाऱ्या वेस्टर्न एक्सप्रेस हायवेवर तयार करण्यात आलेल्या उड्डाणपुलाचा स्लॅब गुरुवारी एका चाहत्या गाडीवर पडला. सदर दुर्घटनेत कोणीही जखमी झाले नसल्याचे सांगितले जात आहे. महापालिकेच्या एका अधिकाऱ्याने म्हटले की, घटना वेस्टर्न एक्सप्रेस हायवेवरील गुंदवली मेट्रो रेल्वे स्थानकात घडली. उड्डाणपुलाचा स्लॅब कारच्या बोनेवर कोसळला गेला. यामुळे कारच्या पुढील बाजूचे फार मोठे नुकसान झाले आहे. या दुर्घटनेनंतर मुंबई अग्निशनमन दलाच्या गाड्या, पोलीस आणि स्थानिक वॉर्ड कर्मचाऱ्यांच्या मदतीने स्लॅब हटवण्याचे काम करण्यात आले.
महापालिकेकडे होते उड्डाणपुलाचे काम
एमएमआरडीएने ऑक्टोंबर, 2022 मध्ये दोन्ही एक्सप्रेस हायवेच्या देखभालीचे काम मुंबई महापालिकेवर सोपवले होते. महापालिकेने याचे स्ट्रक्चरल ऑडिटही केले होते. यामध्ये मोठ्या प्रमाणात दुरुस्ती करावी लागेल असे सांगण्यात आले होते. गेल्या वर्षात मुंबई महापालिकेने वेस्टर्न एक्सप्रेस हायवेची दुरुस्ती केली होती. यंदाच्या वर्षातही वेस्टर्न एक्सप्रेस हायवेची दुरुस्ती करण्यासाठी 131 कोटी रुपये आणि ईस्टर्न एक्सप्रेस हायवेसाठी 93 कोटी रुपये खर्च केले आहेत.
रस्त्यांचे मायक्रो सरफेसिंगही करण्यात आले
मुंबई महापालिकेने वेस्टर्न आणि ईस्टर्न एक्सप्रेस हायवेची लाइफ लाइन वाढवण्यासाठी रस्त्यांची मायक्रो सरफेसिंगही केली आहे. मायक्रो सरफेसिंगमुळे दोन्ही एक्सप्रेस हायवेची लाइफ लाइन पाच वर्षांपर्यंत वाढली जाईल. ईस्टर्न एक्सप्रेस हायवे पूर्व उपनगरमधील महत्वपूर्ण हायवे आहे. जवळजवळ 23.55 किलोमीटरचा ईस्टर्न एक्सप्रेस हायवे सायन येथून सुरु होत विक्रोळी, घाटकोपर, भांडूप आणि मुलुंडला जोडला जातो. याशिवाय सायन-पनवेल एक्सप्रेस हायवे आणि सांताक्रुझ, चेंबूर रोड ईस्टर्न फ्री वे ला देखील जोडला जातो.
एक्सप्रेस हायवेची लांबी 24 किलोमीटर
वेस्टर्न एक्सप्रेस वे मुंबईतील पश्चिम उपनगरांमधून जाणारा महत्वपूर्ण मार्ग आहे. या एक्सप्रेस हायवेची लांबी जवळजवळ 24 किलोमीटर आहे. वेस्टर्न एक्सप्रेस हायवे माहिम येथून सुरु होत वांद्रे, अंधेरी, जोगेश्वरी, गोरेगाव, मालाड, कांदिवली आणि बोरिवली येथून दहीसरला जोडला जातो.
आणखी वाचा :
सायन पुलावरून अवजड वाहनांना बंदी, ‘बेस्ट’ बसच्या २३ मार्गांत बदल
)
)
)
)