Thane Police Bharti 2025: ठाणे शहरात 654 पोलीस पदांची भरती सुरू! अर्ज करण्याची शेवटची तारीख जाणून घ्या

Thane Police Bharti 2025: ठाणे शहर पोलिस आयुक्तालयात 654 पदांसाठी मोठी भरती प्रक्रिया सुरू झाली आहे, ज्यामुळे तरुणांना पोलिस दलात सामील होण्याची सुवर्णसंधी मिळत आहे. इच्छुक उमेदवार 30 नोव्हेंबर 2025 पर्यंत ऑनलाइन अर्ज करू शकतात.

तरुणांसाठी आनंदाची बातमी

ठाणे: महाराष्ट्रातील तरुणांसाठी मोठी आनंदवार्ता! राज्य पोलिस दलात मोठ्या प्रमाणावर भरती प्रक्रिया सुरू झाली असून, ठाणे शहर पोलिस आयुक्तालयात तब्बल 654 पदांची भरती केली जाणार आहे. या भरतीमुळे हजारो तरुणांना खाकी वर्दी परिधान करण्याची सुवर्णसंधी मिळणार आहे. 

ठाणे पोलिस भरतीसाठी महत्त्वाची माहिती

ठाणे पोलिस प्रशासनाकडून मिळालेल्या माहितीनुसार, या भरतीसाठी ऑनलाइन अर्ज करण्याची अंतिम तारीख 30 नोव्हेंबर 2025 निश्चित करण्यात आली आहे. इच्छुक उमेदवारांनी www.mahapolice.gov.in या महाराष्ट्र राज्य पोलिसांच्या अधिकृत संकेतस्थळावर जाऊन आवश्यक कागदपत्रांसह अर्ज सादर करावा. 

अर्ज शुल्क:

सर्वसाधारण प्रवर्ग: ₹450

मागास प्रवर्ग: ₹350

उमेदवारांनी सर्व कागदपत्रे योग्यरीत्या स्कॅन करून अपलोड करणे आवश्यक आहे. 

पात्रता निकष काय असतील?

उमेदवार हा महाराष्ट्र राज्याचा रहिवासी असावा.

किमान बारावी उत्तीर्ण असणे आवश्यक.

मराठी भाषेचं ज्ञान असणं बंधनकारक.

उमेदवार शारीरिकदृष्ट्या तंदुरुस्त आणि निरोगी असावा. 

भरती प्रक्रिया आणि परीक्षा पद्धत

भरती प्रक्रिया दोन टप्प्यांत होणार आहे.

शारीरिक पात्रता चाचणी (100 गुण)

धावणे

लांब उडी

गोळाफेक

लेखी परीक्षा (100 गुण)

सामान्यज्ञान

बुद्धिमापन

अंकगणित

चालू घडामोडी

शारीरिक चाचणी व कागदपत्र पडताळणीनंतर पात्र उमेदवारांना लेखी परीक्षेसाठी बोलावले जाईल.

दोन्ही परीक्षांतील एकत्रित गुणांच्या आधारे अंतिम निवड यादी तयार केली जाईल. 

अधिकाऱ्यांचा विश्वास, “पारदर्शक व गुणवत्तेवर आधारित प्रक्रिया”

ठाणे शहराचे अतिरिक्त पोलिस आयुक्त (प्रशासन) श्रीकांत पाठक यांनी सांगितले की, “ठाणे आयुक्तालयातील भरती प्रक्रिया पूर्णतः पारदर्शक आणि गुणवत्तेवर आधारित असेल. सक्षम आणि जबाबदार उमेदवारांना संधी मिळावी हा आमचा उद्देश आहे.” 

खाकी वर्दीचं स्वप्न साकार करण्याची हीच वेळ!

या भरतीमुळे ठाण्यातील अनेक तरुणांना पोलीस दलात सामील होण्याची संधी मिळणार आहे. म्हणूनच इच्छुक उमेदवारांनी अर्ज प्रक्रिया लवकरात लवकर पूर्ण करून या सुवर्णसंधीचा फायदा घ्यावा, असे प्रशासनाकडून आवाहन करण्यात आले आहे.