Nanded-Hadapsar Train: नांदेड ते हडपसर प्रवाशांसाठी खुशखबर! लातूर मार्गे धावणार विशेष ट्रेन, जाणून घ्या वेळापत्रक

Nanded-Hadapsar Train: मध्य रेल्वेच्या सोलापूर विभागाने नांदेड ते हडपसर (पुणे) साप्ताहिक विशेष गाडी चालवण्याचा निर्णय घेतला. नोव्हेंबर २०२५ मध्ये धावणारी ही गाडी लातूर-कुर्डुवाडी मार्गावरून जाणार असल्याने या भागातील प्रवाशांना मोठा फायदा होणारय.

नांदेड ते हडपसर प्रवाशांसाठी आनंदाची बातमी!

पुणे: नांदेडहून पुण्याकडे जाणाऱ्या प्रवाशांसाठी मोठी आनंदवार्ता! मध्य रेल्वेच्या सोलापूर विभागाने नांदेड–हडपसर (पुणे) दरम्यान साप्ताहिक विशेष गाडी चालवण्याचा निर्णय घेतला आहे. या नव्या ट्रेनमुळे लातूर–कुर्डुवाडी मार्गावरील प्रवाशांनाही मोठा फायदा होणार आहे.

विशेष गाड्यांचे वेळापत्रक

नांदेड–हडपसर साप्ताहिक विशेष (गाडी क्र. 07607)

ही गाडी 18 व 25 नोव्हेंबर 2025 रोजी नांदेडहून सकाळी 08:30 वाजता सुटेल आणि त्याच दिवशी रात्री 09:40 वाजता हडपसर (पुणे) येथे पोहोचेल.

हडपसर–नांदेड साप्ताहिक विशेष (गाडी क्र. 07608)

ही गाडी देखील 18 व 25 नोव्हेंबर 2025 रोजी हडपसरहून रात्री 10:50 वाजता सुटेल आणि दुसऱ्या दिवशी दुपारी 12:15 वाजता नांदेडला पोहोचेल.

थांबे कोणकोणत्या स्थानकांवर?

या साप्ताहिक विशेष गाडीला खालील स्थानकांवर थांबे असतील.

पूर्णा, परभणी, गंगाखेड, परळी वैजनाथ, लातूर रोड, लातूर, धाराशिव, बार्शी टाउन, कुर्डुवाडी आणि दौंड.

गाडीची रचना

या विशेष गाडीत एकूण 22 डबे असतील. त्यात

1 प्रथम श्रेणी वातानुकूलित कोच

2 एसी टू टियर कोच

6 एसी थ्री टियर कोच

1 वातानुकूलित बुफे कार

6 स्लीपर क्लास कोच

4 सामान्य द्वितीय श्रेणी कोच

2 ब्रेक व्हॅन

यामुळे लांब प्रवास करणाऱ्या प्रवाशांना आरामदायक आणि सुरक्षित प्रवासाचा अनुभव मिळणार आहे. 

प्रवाशांसाठी मोठी सोय

या गाडीच्या सुरूवातीमुळे नांदेड, परळी, लातूर आणि कुर्डुवाडी परिसरातील नागरिकांना पुणे प्रवासासाठी अधिक सोयीस्कर पर्याय उपलब्ध होणार आहे.