Summer Special Trains: उन्हाळी सुट्टीत 'वेटिंग लिस्ट'चे टेन्शन विसरा! गावी जाणाऱ्यांसाठी रेल्वेची मोठी गुड न्यूज; पाहा स्पेशल गाड्यांचे वेळापत्रक

Summer Special Trains: उन्हाळी सुट्ट्या आणि सणासुदीच्या गर्दीमुळे होणारी गैरसोय टाळण्यासाठी, भारतीय रेल्वेने पुणे, सोलापूर आणि कोल्हापूर मार्गावरील विशेष गाड्यांच्या कालावधीत १५ जुलै २०२६ पर्यंत वाढ केली आहे. 

गावी जाणाऱ्यांसाठी रेल्वेची मोठी गुड न्यूज

पुणे : उन्हाळी सुट्ट्या आणि आगामी सणासुदीच्या पार्श्वभूमीवर गावी जाणाऱ्या प्रवाशांची संख्या मोठी असते. वाढत्या गर्दीमुळे अनेकदा रेल्वेचे तिकीट मिळणे कठीण होते. प्रवाशांची हीच गैरसोय टाळण्यासाठी भारतीय रेल्वेने पुणे, सोलापूर आणि कोल्हापूर मार्गावर धावणाऱ्या विशेष गाड्यांच्या कालावधीत १५ जुलै २०२६ पर्यंत वाढ करण्याचा महत्त्वपूर्ण निर्णय घेतला आहे. 

या विशेष गाड्यांना मिळाली मुदतवाढ

रेल्वे प्रशासनाने खालील गाड्यांच्या फेऱ्यांमध्ये वाढ केली असून, प्रवाशांना आता जुलैपर्यंत या सेवेचा लाभ घेता येणार आहे.

१. पुणे - कोल्हापूर - पुणे (दैनिक विशेष)

गाडी क्र. ०१०२३: पुणे ते कोल्हापूर (१ मार्च ते १५ जुलै २०२६)

गाडी क्र. ०१०२४: कोल्हापूर ते पुणे (१ मार्च ते १५ जुलै २०२६) 

२. हडपसर - हरंगुल - हडपसर (दैनिक विशेष)

गाडी क्र. ०१४८७: हडपसर ते हरंगुल (१ मार्च ते १५ जुलै २०२६)

गाडी क्र. ०१४८८: हरंगुल ते हडपसर (१ मार्च ते १५ जुलै २०२६) 

३. सोलापूर - एलटीटी - सोलापूर (साप्ताहिक विशेष)

गाडी क्र. ०१४३५: सोलापूर ते एलटीटी (दर मंगळवारी - ३ मार्च ते १४ जुलै २०२६)

गाडी क्र. ०१४३६: एलटीटी ते सोलापूर (दर बुधवारी - ४ मार्च ते १५ जुलै २०२६) 

४. सोलापूर - दौंड - सोलापूर (दैनिक विशेष)

गाडी क्र. ०१४६१: सोलापूर ते दौंड (१ मार्च ते १५ जुलै २०२६)

गाडी क्र. ०१४६२: दौंड ते सोलापूर (१ मार्च ते १५ जुलै २०२६) 

बुकिंग कधीपासून सुरू होणार?

या विशेष गाड्यांच्या वाढीव फेऱ्यांसाठीचे बुकिंग उद्यापासून म्हणजेच १६ फेब्रुवारी २०२६ पासून सुरू होत आहे. प्रवाशांना ही तिकिटे सर्व रेल्वे आरक्षण केंद्रांवर (PRS) तसेच IRCTC च्या अधिकृत वेबसाइटवर ऑनलाइन बुक करता येतील.

महत्त्वाची टीप: या सर्व गाड्या त्यांच्या सध्याच्या मार्ग, वेळापत्रक आणि थांब्यांसह नियमितपणे धावतील.