Pune Water Cut: गुरुवारी पुण्यात पाणीपुरवठा बंद, जाणून घ्या का आणि कुठल्या भागात?

Pune Water Cut: पुण्यात येत्या गुरुवारी, 30 ऑक्टोबर रोजी, पर्वती व लष्कर जलकेंद्रातील दुरुस्तीच्या कामामुळे शहरातील अनेक भागांमध्ये पाणीपुरवठा बंद ठेवण्यात येणार आहे. महापालिकेने नागरिकांना पाणी साठवून ठेवण्याचे आणि जपून वापरण्याचे आवाहन केले आहे.

पुणे: पुणेकरांसाठी महत्त्वाची बातमी! येत्या गुरुवारी, 30 ऑक्टोबर, शहरातील काही भागात पाणीपुरवठा बंद राहणार आहे. पर्वती व लष्कर जलकेंद्रातून होणाऱ्या पाणीपुरवठा लाईनमध्ये आवश्यक दुरुस्ती व देखभाल कामे करण्यात येणार आहेत. महापालिकेच्या पाणीपुरवठा विभागाने नागरिकांना पूर्वसूचना देत पाणी साठवून ठेवण्याचे आवाहन केले आहे, तसेच पाणी जपून वापरण्याचा सल्ला दिला आहे.

पाणीपुरवठा का थांबणार?

पर्वती जलकेंद्रातून लष्कर पाणीपुरवठा केंद्राकडे जाणाऱ्या पाणीवाहिनीत गळती दुरुस्ती करण्याचे काम नियोजित आहे. या दोन जलकेंद्रांमधून होणारा पाणीपुरवठा पूर्णपणे बंद राहणार आहे. काम पूर्ण झाल्यानंतर शुक्रवारी सकाळी कमी दाबाने पाणीपुरवठा पुन्हा सुरू केला जाईल.

पाणीपुरवठा बंद राहणारे प्रमुख भाग

लष्कर भाग

सोलापूर रस्ता परिसर, हडपसर गावठाण, माठवाडी, गोकुळ नगर, ससाणे नगर, काळेवाडी, मुण्डवा, भोसलेनगर, सोलापूर रोड डावी बाजू, केशवनगर, मांजरी बुद्रुक, सोवळेवाडी, बी. टी. कवडरोड, भीमनगर, बालाजी नगर, विकास नगर, कोरेगाव पार्क, ओरिएंट गार्डन, मोहम्मदवाडी, साडेसतरा नळी, संपूर्ण हांडेवाडी रोड, फुरसुंगी, उरुळी देवाची संपूर्ण, भेकराई नगर व उरुळी देवाची (बेकर हिल टाकी).

खाराडी भाग

खाराडी भाग, आपले घर, भाईनगर बस्ती, चौथी वस्तीसह संपूर्ण खाराडी परिसर, चंदन नगर, बोराटे नगर, यशोदा नगर, तुकाराम नगर, वडगाव शेरी, गणेश नगर, आनंद पार्क, साईसृष्टी नगर, मधुबन नगर, भोसलेनगर व माळवाडी परिसर.

भामा आसखेड योजना

शेजवळ पार्क, विडी कामगार वस्ती, साईनाथ नगर, वाडेश्वर नगर, मारुती नगर, घरकुल सोसायटी, टेम्पो चौक आणि पोटे नगर.

पुणेकरांसाठी महत्वाची सूचना

पाणी पुरवठा बंद असलेल्या दिवशी जरुरीनुसार पाणी साठवून ठेवा.

पाणी जपून आणि काटकसरीने वापरणे अत्यावश्यक आहे.