मुख्यमंत्री माझी लाडकी बहीण योजनेअंतर्गत एप्रिल महिन्याचा ₹1500 चा हप्ता लाभार्थी महिलांच्या बँक खात्यात जमा करण्याची प्रक्रिया सुरू झाली आहे. मार्चनंतर आता एप्रिलचा हप्ताही मिळत असल्याने महिलांमध्ये समाधान आहे.
लाडक्या बहिणींच्या खात्यात जमा झाले पैसे, एप्रिल महिन्याच्या हप्त्याची रक्कम जमा
मुख्यमंत्री माझी लाडकी बहीण योजनेच्या लाभार्थी महिलांसाठी मोठी आनंदाची बातमी समोर आली आहे. राज्य सरकारकडून एप्रिल महिन्याच्या हप्त्याची रक्कम पात्र महिलांच्या खात्यात जमा करण्याची प्रक्रिया सुरू करण्यात आली आहे. अनेक महिलांना मोबाईलवर पैसे जमा झाल्याचे मेसेज येण्यास सुरुवात झाली आहे.
26
मार्चनंतर आता एप्रिलचा हप्ता
गेल्या काही दिवसांपासून मार्च आणि एप्रिल महिन्याच्या हप्त्याची महिलांना प्रतीक्षा होती. मार्च महिन्याचे 1500 रुपये जमा झाल्यानंतर आता एप्रिल महिन्याचे पैसेही टप्प्याटप्प्याने जमा होत असल्याने लाभार्थींमध्ये समाधानाचं वातावरण आहे.
36
दरमहा मिळतात 1500 रुपये
महाराष्ट्र शासनाच्या महिला व बालविकास विभागामार्फत ही योजना राबवली जाते. आर्थिकदृष्ट्या सक्षम करण्याच्या उद्देशाने पात्र महिलांना दरमहा 1500 रुपयांची मदत थेट बँक खात्यात जमा केली जाते. या योजनेचा लाभ राज्यातील कोट्यवधी महिला घेत आहेत.
सरकारकडून लाभार्थींना e-KYC प्रक्रिया पूर्ण करण्याचे आवाहन करण्यात आले आहे. ज्या महिलांनी आधार लिंक आणि e-KYC प्रक्रिया पूर्ण केली आहे, त्यांच्याच खात्यात ही रक्कम जमा होत असल्याची माहिती समोर आली आहे. काही महिलांची नावे यादीतून वगळली गेल्याच्याही चर्चा आहेत.
56
एप्रिलचा हप्ता उशिरा का आला?
नवीन आर्थिक वर्ष सुरू झाल्यानंतर तांत्रिक प्रक्रियेमुळे एप्रिल महिन्याचा हप्ता देण्यास काहीसा विलंब झाल्याची माहिती सूत्रांकडून देण्यात आली होती. महिला व बालविकास मंत्री आदिती तटकरे यांनीही निधी जमा करण्याची प्रक्रिया सुरू झाल्याचं स्पष्ट केलं होतं.
66
महिलांनी बँक खाते तपासण्याचं आवाहन
राज्य सरकारकडून लाभार्थी महिलांना आपले बँक खाते आणि मोबाईल मेसेज नियमित तपासण्याचं आवाहन करण्यात आलं आहे. पुढील काही दिवसांत सर्व पात्र महिलांच्या खात्यात रक्कम जमा होणार असल्याचं सांगितलं जात आहे. त्यामुळे लाडक्या बहिणींमध्ये पुन्हा एकदा आनंदाचं वातावरण पाहायला मिळत आहे.
