मुख्यमंत्री माझी लाडकी बहीण योजनेच्या पडताळणीत तब्बल 66 लाख महिला अपात्र ठरल्या आहेत. त्यामुळे आता केवळ 1.77 कोटी पात्र महिलांनाच 1500 रुपयांचा मासिक हप्ता मिळणार आहे.
लाडक्या बहिणींना बसला मोठा धक्का, या महिलांचे १,५०० रुपये होणार बंद
राज्य सरकारच्या मुख्यमंत्री माझी लाडकी बहीण योजनेत मोठी पडताळणी पूर्ण झाली असून तब्बल 66 लाख महिला अपात्र ठरल्याची माहिती समोर आली आहे. त्यामुळे या महिलांना आता 1500 रुपयांचा मासिक हप्ता मिळणार नसल्याचे स्पष्ट झाले आहे.
26
एप्रिलअखेर अंतिम पडताळणी पूर्ण
सरकारकडून गेल्या काही महिन्यांपासून लाभार्थी महिलांची ई-केवायसी आणि कागदपत्रांची तपासणी सुरू होती. अंतिम पडताळणीनंतर अनेक महिलांनी नियमांबाहेर जाऊन लाभ घेतल्याचे उघड झाले. त्यानंतर अपात्र महिलांची यादी तयार करण्यात आली.
36
आता फक्त 1.77 कोटी महिलांनाच लाभ
पूर्वी या योजनेचा लाभ घेणाऱ्या महिलांची संख्या अधिक होती. मात्र नव्या तपासणीनंतर आता फक्त 1 कोटी 77 लाख महिला पात्र ठरल्या आहेत. याच महिलांच्या खात्यात पुढील हप्ते जमा होणार आहेत.
चारचाकी वाहन असलेले कुटुंब, सरकारी नोकरी, पेन्शनधारक सदस्य किंवा इतर शासकीय योजनांचा लाभ घेणाऱ्या अनेक महिलांना या योजनेतून वगळण्यात आले आहे. काही ठिकाणी नियम न पाळता अर्ज मंजूर झाल्याचेही समोर आले.
56
सरकारचा खर्चही कमी होणार
या पडताळणीनंतर राज्य सरकारचा मोठा आर्थिक भार कमी होणार आहे. आधी या योजनेसाठी दरमहा सुमारे 3600 कोटी रुपयांचा खर्च होत होता. आता अपात्र महिलांना वगळल्यानंतर हा खर्च मोठ्या प्रमाणात घटणार असल्याची माहिती समोर आली आहे.
66
महिलांमध्ये नाराजीचे वातावरण
अनेक महिलांचे पैसे अचानक बंद होणार असल्याने राज्यभरात नाराजी पसरली आहे. मात्र सरकारने स्पष्ट केले आहे की, पात्र महिलांना योजना सुरूच राहणार असून त्यांचे हप्ते नियमितपणे खात्यात जमा केले जातील.
