Maharashtra : राज्यातील नगरपरिषद-नगरपंचायती निवडणुका 2025; आजपासून उमेदवारी अर्ज, 3 डिसेंबरला निकाल लागणार

Maharashtra : राज्यातील 246 नगरपरिषदा आणि 42 नगरपंचायतींसाठी निवडणूक प्रक्रिया सुरू झाली आहे. अर्ज भरण्याची शेवटची तारीख 17 नोव्हेंबर असून 2 डिसेंबरला मतदान होईल.राज्यातील 247 नगरपरिषद व 147 नगरपंचायतींसाठी नगराध्यक्ष पदांची आरक्षण सोडत जाहीर झालीये.

अर्ज भरण्याची प्रक्रिया सुरू

राज्यातील 246 नगरपरिषद आणि 42 नगरपंचायतींसाठी निवडणुकीची प्रक्रिया आजपासून (10 नोव्हेंबर) सुरू झाली आहे. उमेदवारी अर्ज दाखल करण्यासाठी 8 दिवसांची मुदत देण्यात आली असून 17 नोव्हेंबर हा शेवटचा दिवस आहे. राज्यातील सर्वच राजकीय पक्षांनी उमेदवारांच्या मुलाखतींना गती दिली आहे, मात्र काही ठिकाणी महायुती (Mahayuti) की महाविकास आघाडी (MVA) म्हणून निवडणूक लढवायची हे अजून स्पष्ट झालेले नाही. निवडणुकीसाठी 2 डिसेंबरला मतदान आणि 3 डिसेंबरला निकाल जाहीर होईल. (Maharashtra Nagarparishad-Nagarpanchayat Election 2025)

नगराध्यक्ष पदांसाठी आरक्षण सोडत जाहीर

247 नगरपरिषद आणि 147 नगरपंचायतींसाठी आरक्षण निश्चित

नगरविकास राज्यमंत्री माधुरी मिसाळ यांच्या अध्यक्षतेखाली आरक्षण सोडत पार पडली. बैठकीस नगरविकास विभागाचे अधिकारी आणि राजकीय पक्षांचे प्रतिनिधी उपस्थित होते. राज्यातील 247 नगरपरिषदांपैकी —

• 33 पदे अनुसूचित जातींसाठी
• 11 पदे अनुसूचित जमातींसाठी
• 67 पदे नागरिकांच्या मागास प्रवर्गासाठी
• 136 पदे खुल्या प्रवर्गासाठी राखीव आहेत.

अनुसूचित जातींसाठी आरक्षण (SC Reservation)

अनुसूचित जातींसाठी एकूण 33 नगरपरिषद अध्यक्ष पदे राखीव असून त्यापैकी 17 महिलांसाठी आहेत. मुख्य नगरपरिषदा — देऊळगाव राजा, मोहोळ, तेल्हारा, ओझर, भुसावळ, चिमूर, शिर्डी, परतूर, बीड, शिरोळ इत्यादी. सर्वसाधारण गटातील नगरपरिषदा — पांचगणी, लोणावळा, बुटीबोरी, गडहिंग्लज, शेगाव, आरमोरी, जळगाव-जामोद आदी.

अनुसूचित जमातींसाठी आरक्षण (ST Reservation)

एकूण 11 पदे, त्यापैकी 6 महिलांसाठी राखीव आहेत. महिलांसाठी नगरपरिषदा — पिंपळनेर, भडगांव, यवतमाळ, उमरी, वणी. सर्वसाधारण गटासाठी — राहुरी, एरंडोल, अमळनेर, वरुड.

नागरिकांचा मागास प्रवर्ग आरक्षण (OBC Reservation)

67 नगरपरिषद अध्यक्ष पदे मागास प्रवर्गासाठी राखीव ठेवण्यात आली आहेत —

• 34 महिलांसाठी
• 33 सर्वसाधारण गटासाठी.
  

महिलांसाठी नगरपरिषदा — मालवण, हिंगोली, उमरेड, जुन्नर, औसा, दौंड, रोहा, चोपडा, कर्जत, दोंडाईचा-वरवाडे इत्यादी. सर्वसाधारण गटासाठी — तिरोडा, वाशिम, नंदुरबार, कोपरगाव, श्रीवर्धन, वर्धा, वैजापूर, गोंदिया, सांगोला इत्यादी.

खुल्या प्रवर्गातील आरक्षण (Open Category)

136 नगरपरिषद अध्यक्ष पदे खुल्या प्रवर्गासाठी राखीव असून त्यापैकी 68 महिलांसाठी राखीव आहेत.

सर्वसाधारण गटातील नगरपरिषदा — फलटण, चाळीसगांव, वाई, कराड, सासवड, सातारा, बारामती, इंदापूर, मनमाड, अंबेजोगाई, सिन्नर, देवळी, इत्यादी. महिलांसाठी नगरपरिषदा — परळी वैजनाथ, अंबरनाथ, पंढरपूर, खामगांव, रत्नागिरी, पेण, संगमनेर, अलीबाग, सावंतवाडी, उमरखेड, शेवगांव, वसमत इत्यादी.

नगरपंचायतींसाठी आरक्षण (147 Nagar Panchayats)

नगरपंचायतींसाठी आरक्षणाचा तपशील पुढीलप्रमाणे:

• अनुसूचित जाती: 18 पदे (9 महिलांसाठी, 9 सर्वसाधारण)
• अनुसूचित जमाती: 13 पदे (7 महिलांसाठी, 6 सर्वसाधारण)
• नागरिकांचा मागास प्रवर्ग: 40 पदे (20 महिलांसाठी, 20 सर्वसाधारण)
• खुला प्रवर्ग: 76 पदे (38 महिलांसाठी, 38 सर्वसाधारण)
• महिलांसाठी प्रमुख नगरपंचायती: देहू, शहापूर, कुही, पारशिवनी, लांजा, देवरुख, वाशी, दिंडोरी, पेठ, वैराग, बार्शी टाकळी, मोहाडी इत्यादी.

महत्त्वाच्या तारखा

• अर्ज भरण्याची सुरुवात: 10 नोव्हेंबर 2025
• शेवटची तारीख: 17 नोव्हेंबर 2025
• मतदान: 2 डिसेंबर 2025
• निकाल: 3 डिसेंबर 2025