मुख्यमंत्री एकनाथ शिंदे यांच्यासह मुलाला जीवे मारण्याची धमकी, पुण्यातून 19 वर्षीय तरुणाला अटक

CM Eknath Shinde & MP Shrikant Shinde Threat to Kill :  महाराष्ट्राचे मुख्यमंत्री एकनाथ शिंदे यांच्यासह त्यांचा मुलगा श्रीकांत शिंदे यांनी जीवे मारण्याची धमकी देण्यात आली आहे. या प्रकरणात मुंबई गुन्हे शाखेच्या युनिट 9 कडून एका 19 वर्षीय तरुणाला अटक करण्यात आली आहे.

काय आहे प्रकरण?
महाराष्ट्राचे मुख्यमंत्री एकनाथ शिंदे आणि आमदार श्रीकांत शिंदे यांना सोशल मीडियाच्या माध्यमातून जीवे मारण्याची धमकी देण्यात आली होती. पोलिसांनी आरोपीला पुणे येथून अटक केली आहे. सूत्रांकडून मिळालेल्या माहितीनुसार, आरोपीची ओखळ शुभम वारकडच्या रुपात झाली असून तो 19 वर्षांचा आहे.

प्राप्त झालेल्या माहितीनुसार, आरोपीने सोशल मीडियावरील प्लॅटफॉर्म ‘X’ वर एक पोस्ट शेअर केली होती. या पोस्टमध्ये मुख्यमंत्री एकनाथ शिंदे आणि श्रीकांत शिंदे यांना जीवे मारण्याची धमकी दिली होती. पोलिसांनी आरोपीच्या विरोधात IPC कलम 506(2) आणि 505(1)(B) अंतर्गत गुन्हा दाखल केला असून अटक केली आहे.

दरम्यान, एप्रिल 2023 मध्ये देखील एकनाथ शिंदे यांना जीवे मारण्याची धमकी देण्यात आली होती. ही धमकी पोलीस कंट्रोल रुमला एका अज्ञात व्यक्तीने फोन करून दिली होती. या प्रकरणात मुंबई पोलिसांनी फोन क्रमांकावरुन आरोपीचे ठिकाण शोधून काढले आणि ताब्यात घेतले होते.

आणखी वाचा : 

झिशान सिद्दीकीवर काँग्रेसची मोठी कारवाई, अखिलेश यादव यांना पक्षाने दिले यूथ काँग्रेसचे अध्यक्षपद

Rajya Sabha Election 2024 : शिंदे गटाकडून मिलिंद देवरा यांना राज्यसभेसाठी उमेदवारी जाहीर

'माझ्या बॅगेत बॉम्ब आहे...' IndiGo च्या विमानातील टिश्यू पेपरवर लिहिलेल्या मेसेजने खळबळ