Ladki Bahin Yojana: सरकारने 'लाडकी बहीण योजने'च्या लाभार्थी महिलांसाठी दिवाळीपूर्वी मोठी घोषणा केली. तांत्रिक अडचणींमुळे KYC प्रक्रिया तात्पुरती थांबवण्यात आली असून, सप्टेंबर महिन्याचा हप्ता KYC पूर्ण न झालेल्या महिलांच्या खात्यातही जमा केला जाणारय.
मुंबई: महायुती सरकारने मोठ्या उत्साहाने सुरू केलेल्या 'लाडकी बहीण योजने'च्या लाभार्थी महिलांसाठी अत्यंत महत्त्वाची आणि आनंदाची बातमी आहे. दिवाळी सण अगदी तोंडावर आल्यामुळे सप्टेंबर महिन्याचा हप्ता कधी मिळणार याकडे राज्यातील सर्व भगिनींचे लक्ष लागले होते. अखेर सरकारकडून याबाबत स्पष्ट सूचना मिळाली आहे.
25
सप्टेंबर महिन्याचा हप्ता लवकरच लाभार्थींच्या बँक खात्यात जमा होणार
मिळालेल्या माहितीनुसार, लाडकी बहीण योजनेचा सप्टेंबर महिन्याचा हप्ता लवकरच लाभार्थींच्या बँक खात्यात जमा होणार आहे. महायुती सरकारने यासंदर्भात आदेश जारी केला असून, १३ ते १५ ऑक्टोबरपर्यंत हा हप्ता खात्यात जमा करण्याची प्रक्रिया पूर्ण केली जाईल. दिवाळीच्या तोंडावर हा निधी मिळाल्याने महिलांना मोठा दिलासा मिळणार आहे.
35
KYC नसले तरी मिळणार हप्ता! मोठा दिलासा
योजनेसाठी आवश्यक असलेली KYC प्रक्रिया सध्या तांत्रिक अडचणींमुळे थांबलेली आहे. अनेक महिलांना e-KYC करताना OTP (One Time Password) मिळत नसल्याने समस्या येत होत्या. महिला व बालविकास विभागाच्या मंत्री अदिती तटकरे यांनीही याची गंभीर दखल घेतली होती.
या तांत्रिक समस्येमुळे लाखो महिलांना पडताळणी प्रक्रियेतून जावे लागत होते. मात्र, दिवाळीच्या पार्श्वभूमीवर महिलांना मोठा दिलासा देत सरकारने KYC च्या अटीबाबत महत्त्वाचा निर्णय घेतला आहे.
वेबसाईट सुरळीत झाल्यास सर्व महिलांना e-KYC करणे अनिवार्य
सध्या लाडकी बहीण योजनेची वेबसाईट पूर्णपणे सुरळीत नसल्यामुळे, KYC ची अट तूर्तास शिथिल करण्यात आली आहे. म्हणजेच, ज्या महिलांची KYC झाली आहे किंवा झालेली नाही, त्या सर्व पात्र भगिनींना सप्टेंबर महिन्याचा हप्ता त्यांच्या खात्यात मिळणार आहे. सध्या ही अट तात्पुरती वगळण्यात आली असली तरी, वेबसाईट पूर्णपणे सुरळीत झाल्यावर सर्व महिलांना KYC करणे अनिवार्य राहील.
55
OTP समस्येमुळे KYC ला तात्पुरता ब्रेक
e-KYC करताना OTP न येण्याची तांत्रिक अडचण अजूनही कायम आहे. सरकारने युद्धपातळीवर उपाययोजना करण्याचे आश्वासन दिले असले तरी, ही समस्या अजूनही दूर झालेली नाही. त्यामुळे दिवाळीच्या अगदी जवळ असताना सरकारने तात्पुरत्या स्वरूपात KYC प्रक्रियेला ब्रेक देऊन थेट हप्ता जमा करण्याचा निर्णय घेतला आहे. या निर्णयामुळे 'लाडकी बहीण' म्हणून ओळखल्या जाणाऱ्या लाखो महिलांना मोठा दिलासा मिळाला आहे.
Maharashtra News (महाराष्ट्र बातम्या): Read Maharashtra LIVE Updates and Latest Marathi News Today. Check महाराष्ट्र राजकीय बातम्या, महाराष्ट्र क्राईम न्यूज, महाराष्ट्र ब्रेकिंग न्यूज. Watch Maharashtra Viral News Videos, Photos, Maharashtra Weather Updates in Marathi at Asianet Marathi News.
