Ladki Bahin Yojana: लाडकी बहीण योजनेच्या e-KYC मध्ये अडचण येते का?, जाणून घ्या नेमकी प्रोसेस आणि उपाय

Ladki Bahin Yojana: लाडकी बहीण योजनेचा ₹1500 चा लाभ सुरू ठेवण्यासाठी e-KYC करणे अनिवार्य आहे. अनेक महिलांना या प्रक्रियेत तांत्रिक अडचणी येत असल्याने, e-KYC यशस्वीपणे पूर्ण करण्यासाठी सोपी मार्गदर्शिका आणि उपाय देतो. 

लाडकी बहीण योजनेची e-KYC करताना Error येतोय?

Ladki Bahin Yojana: राज्यातील लाखो महिलांना दरमहा ₹1500 लाभ देणाऱ्या मुख्यमंत्री माझी लाडकी बहीण योजनेत सरकारने पारदर्शकता आणण्यासाठी e-KYC अनिवार्य केले आहे. यासाठी 2 महिन्यांची मुदत देण्यात आली असून, जर ही प्रक्रिया पूर्ण झाली नाही तर लाभ थांबवला जाऊ शकतो. मात्र, अनेक महिलांना e-KYC करताना तांत्रिक अडचणी (Error) येत आहेत. त्यामुळे ही प्रक्रिया सुलभ आणि यशस्वी करण्यासाठी खालील माहिती नक्की वाचा. 

e-KYC करणे का गरजेचे आहे?

सरकारने लाखो अपात्र लाभार्थ्यांची नोंद घेतली आहे.

फक्त पात्र महिलांनाच लाभ मिळावा यासाठी आधारद्वारे e-KYC आवश्यक आहे.

वेळेत e-KYC न केल्यास, दरमहा मिळणारा ₹1500 थांबू शकतो. 

e-KYC स्टेप-बाय-स्टेप फॉलो करा

अधिकृत वेबसाइटला भेट द्या

https://ladakibahin.maharashtra.gov.in

मुखपृष्ठावर “e-KYC” बॅनरवर क्लिक करा.

तुमचा आधार क्रमांक आणि Captcha टाका.

संमती दिल्यावर “Send OTP” वर क्लिक करा.

मोबाईलवर आलेला OTP टाका आणि Submit करा.

सिस्टम तपासेल की e-KYC आधी झाली आहे का.

नाही झाल्यास पुढील टप्पा सुरू होईल.

पती किंवा वडिलांचा आधार क्रमांक व OTP टाका.

जात प्रवर्ग निवडा आणि घोषणा (Declaration) स्वीकारा.

“Submit” वर क्लिक करून प्रक्रिया पूर्ण करा.

यशस्वी झाल्यास "Success" मेसेज दिसेल. 

काय कागदपत्रे आवश्यक आहेत?

आधार कार्ड

आधारशी लिंक असलेला मोबाईल नंबर

पती किंवा वडिलांचा आधार क्रमांक

(आवश्यक असल्यास) जात, उत्पन्न प्रमाणपत्र आणि रेशन कार्ड 

e-KYC करताना अडचण येत असेल तर...

Captcha आणि OTP काळजीपूर्वक टाका.

मोबाईल नेटवर्क स्टेबल ठेवा.

मोबाईल नंबर आधारशी लिंक आहे का ते तपासा.

अनेकदा Error येत असल्यास जवळच्या CSC सेंटरला भेट द्या. 

e-KYC न केल्यास काय होईल?

जर वेळेत ही प्रक्रिया पूर्ण झाली नाही, तर संबंधित महिलांना मासिक ₹1500 चा लाभ थांबवला जाऊ शकतो. त्यामुळे कोणतीही अडचण येण्यापूर्वी लवकरात लवकर e-KYC पूर्ण करा, असे आवाहन महिला व बालकल्याण मंत्री आदिती तटकरे यांनी केले आहे. 

e-KYC टाळू नका

जर तुम्ही लाडकी बहीण योजनेच्या लाभार्थी असाल, तर ही प्रक्रिया टाळू नका. e-KYC ही एकच पायरी तुम्हाला पुढील महिन्यांमध्ये नियमित लाभ मिळवून देऊ शकते. अडचणी आल्या तरी मार्ग आहेत फक्त योग्य माहिती आणि मार्गदर्शन हवे!