Maharashtra Rain Alert : महाराष्ट्रात पावसाची पुन्हा एन्ट्री, 16 जिल्ह्यांना यलो अलर्ट, सोसाट्याचा वाऱ्यासह मुसळधार पाऊस पडणार!

Maharashtra Rain Alert: महाराष्ट्रात ११ सप्टेंबर रोजी पावसाची जोरदार एन्ट्री होण्याची शक्यता आहे. पश्चिम महाराष्ट्र, मराठवाडा आणि विदर्भात वादळी वाऱ्यांसह पाऊस पडण्याचा इशारा, १६ जिल्ह्यांना येलो अलर्ट.

मुंबई: महाराष्ट्रात पावसाचा जोर काहीसा ओसरल्याचं चित्र असलं तरी, हवामान विभागाने दिलेल्या ताज्या अंदाजानुसार, ११ सप्टेंबर रोजी राज्यात पावसाची जोरदार एन्ट्री होण्याची शक्यता आहे. पश्चिम महाराष्ट्र, मराठवाडा आणि विदर्भ या भागांमध्ये वादळी वाऱ्यांसह पाऊस पडण्याचा इशारा देण्यात आला आहे. याच पार्श्वभूमीवर १६ जिल्ह्यांना ‘येलो अलर्ट’ जाहीर करण्यात आला आहे.

कोकण आणि मुंबई परिसरात हलका पाऊस कायम

मुंबई, ठाणे, रायगड, रत्नागिरी, पालघर आणि सिंधुदुर्ग या कोकण विभागातील जिल्ह्यांमध्ये हलक्या ते मध्यम स्वरूपाच्या सरी कोसळण्याची शक्यता आहे.

मुंबई: कमाल तापमान – ३१°C, किमान तापमान – २४°C

पश्चिम महाराष्ट्रात विजांचा कडकडाट आणि गडगडाटासह पावसाची शक्यता

पुणे, कोल्हापूर येथे ढगांचा गडगडाटासह हलक्या ते मध्यम सरी पडण्याचा अंदाज आहे.

सातारा, सांगली, सोलापूर या जिल्ह्यांना वादळी वाऱ्यांसह पावसाचा यलो अलर्ट देण्यात आला आहे.

पुणे: कमाल तापमान – २९°C, किमान तापमान – २०°C 

मराठवाड्यातही पावसाचा इशारा, ४ जिल्ह्यांना यलो अलर्ट

छत्रपती संभाजीनगर, जालना, बीड येथे हलक्या ते मध्यम स्वरूपाचा पाऊस अपेक्षित आहे.

परभणी, हिंगोली, नांदेड, लातूर, धाराशिव जिल्ह्यांमध्ये विजांच्या कडकडाटासह जोरदार पावसाची शक्यता वर्तवण्यात आली आहे.

छ. संभाजीनगर: कमाल तापमान – ३०°C, किमान तापमान – २२°C 

उत्तर महाराष्ट्रात हलक्या सरींची शक्यता

धुळे, नंदुरबार, जळगाव, नाशिक, अहिल्यानगर (पूर्वीचा अहमदनगर) या जिल्ह्यांमध्ये ढगाळ वातावरणासह हलका पाऊस पडू शकतो.

नाशिक: कमाल तापमान – २७°C, किमान तापमान – १९°C 

विदर्भात काही जिल्ह्यांमध्ये मुसळधार पावसाचा इशारा

अकोला, अमरावती, बुलढाणा या जिल्ह्यांत पावसाची शक्यता कमी असून हवामान कोरडे राहण्याची शक्यता आहे.

परंतु, भंडारा, गोंदिया, नागपूर, वर्धा, वाशिम, यवतमाळ, चंद्रपूर, गडचिरोली या भागांमध्ये विजांच्या कडकडाटासह वादळी वाऱ्यांसह पावसाची शक्यता आहे.

नागपूर: कमाल तापमान – ३२°C, किमान तापमान – २४°C 

एकूण हवामान स्थिती, नागरिकांनी सावध राहणं गरजेचं

हवामान विभागाच्या अंदाजानुसार, १६ जिल्ह्यांमध्ये यलो अलर्ट दिला गेला असून, काही भागांतील तापमानात वाढ देखील नोंदवली गेली आहे. त्यामुळे उकाड्यामुळे आरोग्याच्या समस्या उद्भवण्याची शक्यता नाकारता येत नाही. नागरिकांनी योग्य ती काळजी घ्यावी, विशेषतः वृद्ध आणि लहान मुलांनी घराबाहेर पडताना काळजी घ्यावी.