छत्रपती संभाजीनगर महानगरपालिकेत २२२ जागांसाठी 'मेगा' भरती! अग्निशमन आणि इंजिनिअरिंग विभागात मोठी संधी; असा करा अर्ज

छत्रपती संभाजीनगर महानगरपालिकेने गट-क संवर्गातील २२२ रिक्त पदांसाठी भरती जाहीर केली आहे. यामध्ये अग्निशामक, कनिष्ठ अभियंता, स्वच्छता निरीक्षक अशा विविध पदांचा समावेश असून, अर्ज प्रक्रिया पूर्णपणे ऑनलाइन पद्धतीने राबवली जाणार आहे.

छत्रपती संभाजीनगर महानगरपालिकेत २२२ जागांसाठी 'मेगा' भरती!

छत्रपती संभाजीनगर : छत्रपती संभाजीनगरमध्ये सरकारी नोकरीच्या शोधात असलेल्या तरुणांसाठी सुवर्णसंधी चालून आली आहे. महानगरपालिकेने गट-क (Group C) संवर्गातील विविध विभागांतील २२२ रिक्त पदांसाठी जाहिरात प्रसिद्ध केली असून, सरळसेवेने ही पदे भरली जाणार आहेत. 

कोणत्या विभागांत किती जागा?

या भरतीमध्ये तांत्रिक, आरोग्य आणि अग्निशमन अशा विविध विभागांचा समावेश आहे. पदांचा सविस्तर तपशील खालीलप्रमाणे

पद आणि विभाग एकूण पदे

अग्निशामक (Fireman) १००

कनिष्ठ अभियंता (स्थापत्य) ३२

स्थापत्य अभियांत्रिकी सहाय्यक २४

चालक-यंत्रचालक (Driver Operator) १५

स्वच्छता निरीक्षक १२

रोखपाल (Cashier) १२

इतर पदे (पशुधन, उद्यान, अनुरेखक इ.) २७ 

वेतनश्रेणी

निवड झालेल्या उमेदवारांना ७ व्या वेतन आयोगानुसार (S-6 ते S-14 स्तर) आकर्षक पगार आणि सरकारी भत्ते लागू राहतील. 

महत्त्वाच्या तारखा आणि अर्ज प्रक्रिया

भरती प्रक्रिया पूर्णपणे पारदर्शक आणि ऑनलाइन पद्धतीने राबवली जाणार आहे.

अर्ज करण्यास सुरुवात: १७ फेब्रुवारी २०२६

अर्ज करण्याची शेवटची तारीख: १८ मार्च २०२६

परीक्षा पद्धत: ऑनलाइन (IBPS/TCS पॅटर्ननुसार असण्याची शक्यता)

प्रवेशपत्र: परीक्षेच्या ७ दिवस आधी उपलब्ध होईल. 

अर्ज कुठे आणि कसा करायचा?

१. इच्छुकांनी महानगरपालिकेच्या अधिकृत संकेतस्थळाला www.chhsambhajinagarmc.org भेट द्यावी.

२. 'Recruitment' किंवा 'Career' सेक्शनमध्ये जाऊन ऑनलाइन नोंदणी करावी.

३. आवश्यक कागदपत्रे अपलोड करून अर्जाचे शुल्क भरावे. 

विशेष सूचना

सर्वाधिक १०० पदे ही अग्निशमन दलातील असल्याने, शारीरिक पात्रता पूर्ण करणाऱ्या उमेदवारांना येथे मोठी संधी आहे. तसेच, अर्ज करण्यापूर्वी अधिकृत जाहिरातीतील शैक्षणिक पात्रता काळजीपूर्वक तपासून घ्यावी.