Pithori Amavasya 2024 महत्व, शुभ मुहूर्तासह जाणून घ्या पूजनाची विधी

Pithori Amavasya 2024 : श्रावण महिन्यात येणाऱ्या अमावस्येला पिठोरी अमावस्येच्या नावाने ओखळले जाते. आज (2 सप्टेंबर) पिठोरी अमावस्या आहे. या दिवशी महिला संतान प्राप्तीसह, मुलांचे रक्षण करण्यासाठी उपवास करतात. 

पिठोरी अमावस्या 2024

हिंदू पंचांगानुसार, श्रावण महिन्यातील कृष्ण पक्षातील अमावस्येला पिठोरी अमावस्या साजरी केली जाते. या अमावस्येला दर्श अमावस्या किंवा श्रावण अमावस्याही म्हटले जाते. याशिवाय बैल पोळ्याचा सणही साजरा केला जातो. आज (2 सप्टेंबर) पिठोरी अमावस्या असून त्याचे महत्व, शुभ मुहूर्तासह पूजानाच्या विधीबद्दल जाणून घेऊया सविस्तर....

पिठोरी अमावस्येचे महत्व

पिठोरी अमावस्येला पिठोरा, पिठोर अशा वेगवेगळ्या नावांनी ओखळले जाते. या दिवशी दुर्गा देवीची पूजा केली जाते. संतान प्राप्तीसाठी महिला पिठोरी अमावस्येला व्रत करतात. हे व्रत केल्याने त्याचे आयुष्यात शुभ परिणाम आणि इच्छा पूर्ण होतात असे मानले जाते. पौराणिक मान्यतेनुसार, इंद्राची पत्नी शचीने पिठोरी अमावस्येचे व्रत केले होते. यामुळे संतती प्राप्ती होण्यासह कुटुंबाची समृद्धी झाली.

याशिवाय पिठोरीच्या दिवशी सप्तमातृकांचीही पूजा केली जाते. दक्षिण भारतात सप्तमातृकांच्या पूजेला विशेष महत्व आहे. ब्राम्हणी, वैष्णवी, माहेश्वरी, इंद्राणी, कौमरी, वाराही, चामुंडा किंवा नरसिंही या सप्तमातृका आहेत. यांची पूजा केली जाते.

शुभ मुहूर्त

• पिठोरी अमावस्येचा शुभ मुहूर्त प्रारंभ तिथी- 2 सप्टेंबर सकाळी 05 वाजून 21 मिनिटांनी सुरु
• पिठोरी अमावस्येची तिथी समाप्ती- 3 सप्टेंबर सकाळी 07 वाजून 24 मिनिटांपर्यंत

पिठोरी अमावस्येला देवी पार्वतीचे पूजन

पिठोरी अमावस्येला गर्भवती महिला आपल्या मुलांचे रणक्ष करण्यासाठी उपवास धरतात. याशिवाय संतती प्राप्तीसाठी देवी पार्वतीची पिठोरी दिवशी पूजा केली जाते. पार्वती पूजनावेळी नवे वस्र, दागिने आईला अर्पण करण्याची प्रथा आहे. याशिवाय उपवास केल्याने मुलांना उज्ज्वल भविष्य लाभते आणि घरातील पितरांना सुख-शांती मिळते असे मानले जाते.

पिठोरीची पौराणिक कथा

पिठोरी अमावस्येमागील आणखी एक पौरामिक कथा आहे.यानुसार, विदेहा नावाच्या स्त्रीला दर श्रावण अमावास्येला मुले होत व ती लगेच मृत्युमुखी पडत.या कारणासाठी पतीने तिला घराबाहेर हाकलून दिले.तेव्हा तिने कठोर तपश्चर्या केली. चौसष्ट देवतांनी तिला दर्शन दिले.पुढे ती पुन्हा घरी आली.विदेहावर प्रसन्न झालेल्या देवतांच्या कृपेमुळे तिला दीर्घायुषी असे आठ पुत्र झाले.अशा प्रकारे संतति रक्षणासाठी चौसष्ट देवतांच्या पूजनाबरोबरच स्त्रीला स्वत:च्या सामर्थ्याची व मर्यादाशीलतेची जाणीव पिठेरी अमावास्या करून देते.म्हणून ही अमावास्या महत्वाची आहे.

(DISCLAIMER : लेखाद्वारे वाचकांपर्यंत केवळ माहिती पोहोचवण्याचा प्रयत्न करत आहोत. याबाबत Asianet News Marathi कोणताही दावा व समर्थन करत नाही. यासाठी संबंधित क्षेत्रातील तज्ज्ञांचा सल्ला घ्यावा.)

आणखी वाचा :