VIDEO कोयता किंवा मशीनचा वापर न करता कसा फोडावा नारळ? पाहा सोपी पद्धत

How To Break Coconut : कोणतेही साधन न वापरता नारळ कसा फोडावे? यासाठी शेवटपर्यंत नक्की पाहा हा व्हिडीओ

नारळ फोडण्याची सोपी पद्धत

How To Break Coconut : काही जण मोदकाच्या किंवा करजींच्या सारणात करताना त्यामध्ये ओल्या नारळातील केवळ पांढऱ्याशुभ्र खोबऱ्याचाच समावेश राहील, याची काळजी घेतात. कारण खोबऱ्यावर असणारे चॉकलेटी रंगाचे आवरण सारणामध्ये असणे त्यांना अजिबात आवडत नाही. यामुळे बऱ्याचदा नारळाची अख्खी कवड वापराविनाच फुकट जाते. पण आता तसे होणार नाही, कारण या लेखाद्वारे आपण नारळ फोडण्याची सोपी व अनोखी (How To Break Coconut) पद्धत जाणून घेणार आहोत.

नारळातील पाणी बाहेर काढा

सर्वप्रथम आपल्याला नारळातील पाणी बाहेर काढावे लागेल. यासाठी नारळावर असलेल्या तीन डोळ्यांपैकी एका डोळ्यास छिद्र पाडावे व पाणी वाटीमध्ये काढावे.

नारळ फुटू देऊ नका

यानंतर व्हिडीओमध्ये दाखवल्याप्रमाणे नारळावर असणाऱ्या रेषांवर एखादी जड वस्तू मारावी. असे करताना नारळ फुटणार नाही, याची काळजी घ्या.

गॅसवर नारळ गरम करावा

गॅसवर जाळी ठेवा आणि त्यावर नारळ गरम करण्यास ठेवावा. गॅस मंद आचेवरच ठेवावा. नारळ चहुबाजूंनी गरम करावा.

करवंटीला जातील तडे

नारळ व्यवस्थित गरम झाल्यानंतर करवंटीला तडे जाऊ लागतात.

ही काळजी घ्यावी

नारळ अति प्रमाणातही गरम देऊ नये. कारण नारळाला तेल सुटू लागते. 

नारळ थंड होऊ द्यावा

करवंटीला तडे जाऊ लागल्यास गॅस बंद करावा व नारळ थंड होण्यास ठेवून द्यावा.

खोबरे कसे बाहेर काढावे?

नारळ (How To Break Coconut Shell Without Breaking It) थंड झाल्यानंतर अलगदपणे खोबरे बाहेर काढावे. यानंतर तुम्हाला नको असल्यास त्यावरील चॉकलेटी रंगाचे आवरण सोलावे. अशा सोप्या पद्धतीने आपण काही मिनिटांतच नारळ सहजरित्या फोडू शकता.

Content/Video Credit Instagram @ashwinisrecipe