Health Tips : निरोगी जीवन जगायचं असेल तर,किमान 30 मिनिटे चालायलाच पाहिजे

निरोगी जीवन जगायचं असेल तर शरीराला व्यायामाची गरज असतेच. सध्याच्या जीवनशैलीनुसार तर प्रत्येकानं किमान चाललं पाहिजे असं डॉक्टरही सांगतात त्यामुळे जाणून घ्या चालण्याचे फायदे.

आजकाल वाढते प्रदूषण आणि बैठ्या कामांमुळे चालणे फिरणे बंद झाले आहे. व्यक्ती एकाच जागी खुप वेळ बसल्याने वजन वाढत असून त्यामुळे अनेक आजारांना सामोरे जावे लागत आहे. यासाठी मग डॉक्टरांच्या फेऱ्या आल्याचं, डॉक्टरांकडे गेल्या नंतर डॉक्टर सल्ला देतात किमान अर्धा तास तरी चालले पाहिजे. दररोज नियमितपणे १५ ते ३० मिनिटे चालण्याने व्यक्तीचे शारीरिक आरोग्य तर सुधारतेच, उलट मानसिक आरोग्यासाठीही ते फायदेशीर आहे असाही सल्ला डॉक्टर देतात. त्यामुळे जाणून घेऊया कोणते फायदे आहेत.

आजकाल वाढते प्रदूषण आणि बैठ्या कामांमुळे चालणे फिरणे बंद झाले आहे. व्यक्ती एकाच जागी खुप वेळ बसल्याने वजन वाढत असून त्यामुळे अनेक आजारांना सामोरे जावे लागत आहे. यासाठी मग डॉक्टरांच्या फेऱ्या आल्याचं, डॉक्टरांकडे गेल्या नंतर डॉक्टर सल्ला देतात किमान अर्धा तास तरी चालले पाहिजे. दररोज नियमितपणे १५ ते ३० मिनिटे चालण्याने व्यक्तीचे शारीरिक आरोग्य तर सुधारतेच, उलट मानसिक आरोग्यासाठीही ते फायदेशीर आहे असाही सल्ला डॉक्टर देतात. त्यामुळे जाणून घेऊया कोणते फायदे आहेत.

मेंदूला सकारात्मक ऊर्जा मिळते :

रोज नियमित चालणे मेंदूच्या आरोग्यासाठी खूप फायदेशीर आहे. एका अभ्यासानुसार कमी-प्रभावी एरोबिक व्यायाम जसे की चालणे हे स्मृतिभ्रंश प्रतिबंधित करते. अल्झायमर रोगाचा धोका कमी करते आणि एकूणच मानसिक आरोग्य सुधारते.

हृदयविकाराचा धोका कमी होतो:

हृदयाच्या आरोग्यासाठी चालणे खूप प्रभावी ठरू शकते. अमेरिकन हार्ट असोसिएशनच्या मते हृदयरोग किंवा स्ट्रोक टाळण्यासाठी चालणे हे धावण्यापेक्षा कमी प्रभावी नाही. ही क्रिया उच्च रक्तदाब आणि कोलेस्टेरॉलची पातळी कमी करण्यास मदत करते. रक्ताभिसरण सुधारून हृदयाशी संबंधित समस्या टाळण्यास मदत होते.

श्वासोच्छवासासाठी फायदेशीर:

चालणे हा एरोबिक व्यायाम आहे, ज्यामुळे रक्तप्रवाहात ऑक्सिजनचा प्रवाह वाढतो. हे शरीरातील विषारी पदार्थ आणि कचरा काढून टाकण्यास मदत करते आणि फुफ्फुसांना चांगले ट्रेन करण्यास देखील मदत करते. चालताना चांगले आणि दीर्घ श्वास घेतल्याने फुफ्फुसाच्या आजाराशी निगडीत लक्षणे देखील कमी होऊ शकतात.

मधुमेही रुग्णांसाठी फायदेशीर:

व्यायाम म्हणून चालणे, धावण्यापेक्षा मधुमेह रोखण्यासाठी अधिक प्रभावी सिद्ध झाले आहे. एका अभ्यासानुसार एका चालणाऱ्या गटाने ६ महिन्याच्या अंदाजे प्रायोगिक कालावधीत धावणाऱ्या गटाच्या तुलनेत ग्लुकोज सहिष्णुता (म्हणजेच रक्त साखर किती चांगले शोषून घेते) यात ६ पट सुधारणा दाखवली.

सांधे आणि हाडे मजबूत करते:

चालण्याने सांध्यांमध्ये अधिक गतिशीलता मिळते. यामुळे हाडांची झीज प्रतिबंध करण्यास मदत करते. त्यामुळे फ्रॅक्चरचा धोकाही कमी होऊ शकतो. सांधेदुखी कमी करण्यासाठी दिवसातून किमान ३० मिनिटे चालण्याचा सल्ला दिला जातो. असे केल्याने सांध्यातील जडपणा आणि सूज कमी होण्यासही मदत होते.

(Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.)

आणखी वाचा :